Know This: నైట్ మొత్తం ఫోన్‌కి ఛార్జింగ్ పెట్టొచ్చా..? చాలామంది మెదళ్లను తొలుస్తున్న ప్రశ్నకు సమాధానం ఇదే!
రాత్రంతా ఫోన్ ఛార్జింగ్ పెట్టొచ్చా? అనేది చాలామందికి ఉన్న డౌట్. ఈ విషయంపై రకరకాలు వార్తలు సర్కులేట్ అవుతున్నాయి. దీనిపై మేము నిపుణుల నుంచి కొంత సమాచారం సేకరించాం.
ప్రజంట్ మొబైల్ ఫోన్ లేని వారు లేరంటే అతిశయోక్తి కాదు. సోషల్ మీడియాకు అడిక్ట్ అయినవారు ఫోన్ లేకపోతే పిచ్చెక్కిపోతారు. చాలామంది ఉదయం లేవగానే మొదట పట్టుకునేది మొబైల్ ఫోనే. రాత్రి నిద్రకు ఉపక్రమించే ముందువరకు కూడా చాలామంది మొబైల్ ఫోన్ యూజ్ చేస్తారు. అంతలా ఫోన్ మనుషుల జీవితాల్లో భాగం అయిపోయింది. అయితే కొందరు డే అంతా వినియోగించుకునేందుకు వీలుగా రాత్రంగా ఫోన్ ఛార్జింగ్ పెడుతుంటారు. అయితే ఈ ప్రాక్టీస్ మంచిదా కాదా..? అనే డౌట్ చాలామందికి ఉంటుంది. రాత్రంతా ఫోన్ ఛార్జింగ్ పెట్టొద్దని.. అలా చేయడం డేంజర్ అని కొందరు చెబుతుంటారు. దీనిపై మేము కొందరు నిపుణులు నుంచి సమాచారం సేకరించాం. ఫోన్ను రాత్రంతా ఛార్జింగ్లో ఉంచితే ఎలాంటి ప్రమాదం లేదని వారు చెబుతున్నారు. 100 పర్సెంట్ ఛార్జింగ్ మాత్రమే అవుతుందని… ఆ తర్వాత ఫోన్ ఛార్జ్‌ను తీసుకోదని వెల్లడించారు. బ్యాటరీ, ఛార్జర్పైనా ఎటువంటి ఎఫెక్ట్ ఉండదని స్పష్టం చేస్తున్నారు. ఓవర్ ఛార్జ్ అయ్యి మంటలు చెలరేగే అవకాశం లేదని పేర్కొన్నారు. ప్రజంట్ ఎక్కువ వాడకంలో ఉన్నవి లిథియం-అయాన్ బ్యాటరీలు. ఇవి ఫోన్ ఫుల్ ఛార్జ్ అవ్వగానే కరెంట్ తీసుకోకుండా రిస్ట్రెక్ట్ చేసే పరికరాలను ఇన్బిల్ట్గా కలిగి ఉంటున్నాయి. అయితే మీరు వినియోగించే బ్యాటరీ, ఫోన్ మోడల్స్ అన్ని ప్రతికూల పరిస్థితులను తట్టుకోగలవా? అన్నది చెక్ చేసుకోవాల్సిన అంశం. అంతేకాదు వినియోగించే ఛార్జర్లో, ఇంట్లోని ఎలక్ట్రిక్ వైరింగ్ సిస్టమ్లో లోపాలు ఉంటే మాత్రం ప్రమాదాలు జరగొచ్చు.
(ఈ సమాచారం నిపుణుల నుంచి సేకరించినది. మీరు ఈ విషయంపై ఎటువంటి అనుమానాలు కలిగి ఉన్న ఎక్స్‌పర్ట్స్ నుంచి సలహాలు పొందండి)
