Beauty Care Tips: సన్ స్క్రీన్ లోషన్ ను ఎక్కువగా ఉపయోగిస్తున్నారా.. అయితే ఈ నిజాలు తెలుసుకోండి..
అపాదమస్తకం అందకంగా కనిపించాలని అందరూ కోరుకుంటారు. అందుకోసం మార్కెట్లో దొరికే వివిధ రకాల సౌందర్య ఉత్పత్తులను వినియోగిస్తుంటారు. అందులో సన్స్క్రీన్ ఒకటి.
అపాదమస్తకం అందకంగా కనిపించాలని అందరూ కోరుకుంటారు. అందుకోసం మార్కెట్లో దొరికే వివిధ రకాల సౌందర్య ఉత్పత్తులను వినియోగిస్తుంటారు. అందులో సన్స్క్రీన్ ఒకటి. చర్మ సంరక్షణ ఇది ప్రధాన పాత్ర పోషిస్తుంది. హానికరమైన UV తరంగాలు, సన్బర్న్స్ ల న నుండి మన చర్మాన్ని రక్షిస్తుంది. అంతేకాకుండా చర్మం ముడతలు పడకుండా నివారిస్తుంది. వృద్ధాప్య ఛాయలను కూడా తగ్గిస్తుంది . సన్స్క్రీన్లో ఉండే రసాయనాలు సూర్యరశ్మిలోని అతినీలలోహిత కిరణాలు చర్మాన్ని చేరకుండా అడ్డుపడతాయి. ఫలితంగా చర్మ క్యాన్సర్ లాంటి వ్యాధులు రాకుండా రక్షణ కలిగిస్తుంది. అయితే, సన్స్క్రీన్ను సరిగ్గా ఉపయోగించకపోవడం లేదా అతిగా ఉపయోగించినట్లయితే కొన్ని దుష్ఫ్రభావాలు కలుగుతాయని చర్మ సంరక్షణ నిపుణులు హెచ్చరిస్తున్నారు. ముఖ్యంగా చర్మ సంబంధిత సమస్యలు వెంటాడుతాయని సూచిస్తున్నారు. అవేంటో తెలుసుకుందాం రండి.
స్కిన్ అలెర్జీలు..
సన్స్క్రీన్ తయారీలో వివిధ రసాయనాలను ఉపయోగిస్తారు. ఇవి సూర్యరశ్మి ప్రభావం నుంచి మన చర్మాన్ని కాపాడినప్పటికీ ఇందులోని టెట్రాసైక్లిన్ , సల్ఫా ఫినోథియాజైన్స్ వంటి రసాయనాలు చర్మంపై ప్రతికూల ప్రభావం చూపుతాయి. పరిమితికి మించి సన్స్క్రీన్ రాసుకోవడం వల్ల వివిధ రకాల స్కిన్ అలెర్జీలు కలుగుతాయి. అలర్జీ సమస్య కూడా రావచ్చు. కొన్ని సన్స్క్రీన్లలో పారా అమైనో బెంజోయిక్ (PABA) రసాయనాలు కలుపుతారు. ఇవి చర్మ ఆరోగ్యాన్ని దెబ్బతీస్తాయి. అందుకే సన్స్క్రీన్ అప్లై చేసిన తర్వాత ఏవైనా అలెర్జీ సమస్యలు ఎదురైతే వెంటనే చర్మ సంరక్షణ నిపుణులను సంప్రదించాలి.
మొటిమలు..
మనలో చాలామంది ఆన్లైన్ లేదా టీవీల్లో వచ్చే ప్రకటనలను చూసి మార్కెట్లో దొరికే సన్స్క్రీన్ని కొనుగోలు చేస్తుంటారు. ఇలా వైద్యులు, చర్మ నిపుణుల సలహాలు తీసుకోకుండా సన్ స్క్రీన్లను వాడడం వల్ల మొటిమలు, డార్క్ సర్కిల్స్ ఏర్పడే ప్రమాదం ఉంది.
కంటి సమస్యలు
చాలామంది ముఖంపై ఇష్టమొచ్చినట్లు సన్ స్క్రీన్లను అప్లై చేస్తుంటారు. కొన్నిసార్లు సున్నితమైన కంటి భాగాలకు కూడా తగిలేలా రాస్తుంటారు. ఇలా చేయడం వల్ల కంటి సమస్యలు కలుగుతాయి. సన్స్క్రీన్ కళ్లలో పడినప్పుడు వెంటనే చల్లని నీటితో శుభ్రం చేసుకోవాలి. ఆ తర్వాత శుభ్రమైన క్లాత్ తో మృదువుగా తుడుచుకోవాలి. అప్పటికీ మంట, తదితర సమస్యలు తగ్గకపోతే వెంటనే వైద్యులను సంప్రదించాలి.
ఇవి కూడా..
సన్స్క్రీన్కి సంబంధించిన మరో సమస్య కూడా ఉంది. అదేంటంటే…చాలామంది తమ చర్మ తత్త్వానికి తగ్గట్టుగా సన్స్క్రీన్ను ఎంచుకోరు. ఫలితంగా పలు చర్మ సమస్యలను ఎదుర్కొంటారు. జిడ్డు చర్మం ఉన్నవాళ్లు వాటర్ బేస్డ్ సన్స్క్రీన్ లోషన్లు వాడవచ్చు. ఇక పొడి చర్మం కలిగినవారు ముందుగా ముఖానికి మాయిశ్చరైజర్ అప్లై చేసి, ఆ తర్వాత సన్స్క్రీన్ వాడాలి. ఇక అలెర్జీలు, సున్నితమైన చర్మం ఉన్నవారు ఆల్కహాల్ కలిగిన లోషన్లు వాడకపోవడం ఉత్తమం. అలాగే చిన్నారులకు డై ఆక్సీబెంజాన్ ఉండే సన్స్క్రీన్ లోషన్లు వాడకూడదు.