Chicken Soup: ఈ కూల్‌ కూల్‌ వెదర్‌లో హాట్‌గా చికెన్ సూప్‌ తాగితే ఆ మజానే వేరు.. తయారు చేసే విధానం ఇది..
Chicken Soup: వాతావరణం ఒక్కసారిగా మారిపోయింది. ఎడతెరపి లేకుండా కురుస్తోన్న వర్షాల కారణంగా.. వాతావరణం ఒక్కసారిగా చల్లబడిపోయింది. మరి ఇలాంటి కూల్‌ వెదర్‌లో హాట్‌ హాట్‌గా ఆహారం తీసుకుంటే...
Chicken Soup: వాతావరణం ఒక్కసారిగా మారిపోయింది. ఎడతెరపి లేకుండా కురుస్తోన్న వర్షాల కారణంగా.. వాతావరణం ఒక్కసారిగా చల్లబడిపోయింది. మరి ఇలాంటి కూల్‌ వెదర్‌లో హాట్‌ హాట్‌గా ఆహారం తీసుకుంటే చాలా బాగుంటుంది కదూ! ఇక హాట్‌గా ఉండే వాటిలో మొదటి ప్రాధాన్యత సూప్‌లకు ఇస్తుంటాం. చల్లటి వాతావరణంలో వేడిగా సూప్‌ లాగిస్తే శరీరం వేడెక్కుతుంది. వీటిలో చికెన్ సూప్‌ కూడా ఒకటి. అయితే చాలా వరకు చికెన్ సూప్‌ను రెస్టారెంట్‌లోనే కొనుగోలు చేస్తుంటారు. అలా కాకుండా ఇంట్లోనే రెస్టారెంట్‌ స్టైల్‌లో చికెన్ సూప్‌ చేసుకుంటే భలే ఉంటుంది. ఈ నేపథ్యంలో చికెన్ సూప్‌ను ఎలా తయారు చేస్తారు.? వాటికి కావాల్సిన పదార్థాలు ఏంటో ఇప్పుడు చూద్దాం..
కావాల్సిన పదార్థాలు..
* 150 గ్రాములు చికెన్.
* నెయ్యి లేదా ఆయిల్‌.
* అల్లం, వెల్లుల్లి.
* కార్న్‌ ఫ్లోర్‌.
* ఉల్లిపాయలు.
* క్యారెట్‌.
తయారీ విధానం..
ఇందుకోసం ముందుగా 150 గ్రాముల చికెక్‌ను తీసుకొని శుభ్రంగా కడగాలి. అనంతరం స్టవ్‌పై కడాయి ఉంచి.. అందులో కొంచెం నెయ్యి లేదా ఆయిల్‌ వేయాలి. అనంతరం శుభ్రంగా కడిగిన చికెన్ ముక్కలను వేసి 5 నుంచి 6 నిమిషాల పాటు ఫ్రై చేయాలి. అనంతరం కడాయిపై మూత పెట్టి తక్కువ మంటలో మరో 6 నిమిషాలు ఉండనివ్వాలి. చికెన్ ముక్కలు మెత్తగా మారిన తర్వాత అందులో సన్నగా తరిగిన ఉల్లిపాయ ముక్కలు, క్యారెట్‌ ముక్కలు, ఒక టీస్పూన్ అల్లం వెల్లుల్లి పేస్ట్‌, ఉప్పును వేసుకోవాలి. తర్వాత ఈ మిశ్రంలో నీరు పోసి.. 10 నుంచి 15 నిమిషాలు ఉడికించాలి.
అనంతరం చికెన్ ముక్కలను సపరేట్ చేసి వేరే ప్లేట్‌లోకి తీసుకోవాలి. అలా తీసుకున్న చికెన్ ముక్కలను చిన్న చిన్న ముక్కలుగా చేసి స్టవ్‌పై ఉన్న సూప్‌లో మళ్లీ వేయాలి. అనంతరం ఒ టీస్పూన్ మిరియాల పొడి వేయాలి. తర్వాత సూప్‌లో ఒక టీస్పూన్ సోయాసాస్‌, ఒక టీస్పూన్ చిల్లి సాస్‌, ఒక టీస్పూన్ వెనిగర్‌, రెండు స్పూన్‌ల టమాట సాస్‌ను వేసి 2 నుంచి 3 మరిగించాలి. ఈ సమయంలోనే మరో గిన్నెలో 1 టీస్పూన్ కార్న్‌ ఫ్లోర్‌ని తీసుకొని నీటితో బాగా కలపాలి. ఈ గిన్నెను పక్కన పెట్టి. మరో గిన్నెలో ఒక కోడి గుడ్డును పగలగొట్టి బాగా గిలక్కొట్టాలి. ఈ ఎగ్‌ను మరుగుతోన్న సూప్‌లో వేసి బాగా కలపాలి. రెండు నిమిషాల తర్వాత కార్న్‌ ఫ్లోర్‌ మిశ్రమాన్ని కలిపి బాగా మిక్స్‌ చేయాలి. ఇలా ఒక రెండు నుంచి మూడు నిమిషాలు చేస్తే సూప్‌ చిక్కగా మారుతుంది. చివరిగా కొత్తిమీర వేస్తే సరిపోతుంది. యమ్మీ హాట్‌ హాట్‌ చికెన్ సూర్‌ రడీ అయినట్లే.
Also Read: PAk player in ICU: ఐసీయూలో 2 రోజులు.. ఆగని వీరోచిత పోరాటం.. ఆ క్రికెటర్ కి ఏమైంది అంటే..?(వీడియో)
