మీరు మీ జీన్స్ ప్యాంట్లను ఎన్ని రోజులకు వాష్ చేస్తున్నారు..? తప్పక తెలుసుకోవాల్సిన విషయం ఇది..!
ఇవి పాదాల చర్మంపై మొటిమల్లా కనిపిస్తాయి. అంతే కాదు జీన్స్ లో పేరుకుపోయిన మురికి వల్ల ఫంగల్ ఇన్ఫెక్షన్ వచ్చే ప్రమాదం కూడా ఉంది. మీరు దుమ్ము, మురికి ప్రదేశాలకు వెళ్లినప్పుడు వాటిని శుభ్రం చేయకుండా మళ్లీ మళ్లీ అదే జీన్స్ ధరిస్తే, దీని వల్ల ప్రమాదం ఎక్కువగా ఉంటుంది. అందుకే జీన్స్‌ను ఇలా..
మీరు జీన్స్ కొనడానికి వెళ్లినప్పుడల్లా దుకాణదారుడు తరచుగా చెప్పే మాట.. జీన్స్‌ను వీలైనంత తక్కువగా వాష్ చేయాలని చెబుతుంటారు. పదే పదే జీన్స్ వాష్ చేయటం వల్ల వాటి షేడ్‌ పాడైపోతుంది. కాబట్టి ఖరీదైన జీన్స్ ప్యాంట్లను చాలా మంది చాలా తక్కువగా వాష్ చేస్తుంటారు. కానీ, అలా చేయడం తప్పు అంటున్నారు నిపుణులు. మరికొందరు మాత్రం జీన్స్‌ని వాష్ చేసే కంటే..ఫ్రీజ్ చేయడం మంచిదని, జీన్స్‌లో దాగి ఉన్న క్రిములు చనిపోతాయని నమ్ముతారు. అయితే, వాడే వారు ఎన్ని రోజులకు ఒకసారి వాష్ చేయాలో తెలుసుకోవటం తప్పనిసరి.
మీరు కూడా మీ జీన్స్‌కు సంబంధించిన కొన్ని విషయాలపై శ్రద్ధ వహించాలి. నిజానికి జీన్స్ ధరించి బయటకు వెళ్లినప్పుడు వేల రకాల క్రిములు, బాక్టీరియా, దుమ్ము తదితరాలు అంటుకుంటాయి. జీన్స్‌లో పుప్పొడి, దుమ్ము, ధూళి పురుగులు, ధూళి, అచ్చు బీజాంశాలు, ఆహార కణాలు, డెడ్‌స్కీన్‌, నూనె, చెమట మొదలైనవి అలాగే ఉండిపోతాయి. ఈ వ్యర్థాల వల్ల మీ జీన్స్ బ్యాక్టీరియా పెరగడానికి అనువైన ప్రదేశంగా మారుతుంది. జీన్స్‌లో బ్యాక్టీరియా ఎక్కువగా ఉంటే, అది చర్మంలో ఫోలిక్యులిటిస్‌కు కారణమవుతుంది. ఇవి పాదాల చర్మంపై మొటిమల్లా కనిపిస్తాయి. అంతే కాదు జీన్స్ లో పేరుకుపోయిన మురికి వల్ల ఫంగల్ ఇన్ఫెక్షన్ వచ్చే ప్రమాదం కూడా ఉంది. మీరు దుమ్ము, మురికి ప్రదేశాలకు వెళ్లినప్పుడు వాటిని శుభ్రం చేయకుండా మళ్లీ మళ్లీ అదే జీన్స్ ధరిస్తే, దీని వల్ల ప్రమాదం ఎక్కువగా ఉంటుంది. అందుకే జీన్స్‌ను ఎప్పటికప్పుడు శుభ్రం చేయడం ముఖ్యం.
జీన్స్‌ను ఎలా వాష్ చేయాలి:
జీన్స్‌ను తరచుగా శుభ్రం చేయడం వల్ల వచ్చే ప్రమాదం ఏమిటంటే, జీన్స్ రంగు మసకబారుతుంది. జీన్స్‌ను వాష్ చేసినప్పుడల్లా వాటిని చల్లటి నీటిలో శుభ్రం చేసుకోండి. జీన్స్ ఉతికినప్పుడు ఎప్పుడు కూడా చల్లని నీటిలో ఉప్పు వేసి నానబెట్టాలి. ఎక్కువగా ఎండలో ఆరేస్తే ఫ్యాబ్రిక్ దెబ్బతింటుంది. చల్లటి నీరు బట్టలకు హాని కలిగించదు. జీన్స్ ఫ్యాబ్రిక్ బయటకు రాకుండా వాషింగ్ మెషీన్ను నెమ్మదిగా నడపండి. జీన్స్ ఎండలో ఆరబెట్టాల్సి వస్తే.. దాన్ని తిరగేసి లోపలి భాగానికి ఎండ తగిలేలా చూసుకోండి. అప్పుడు రంగు త్వరగా పోదు.
మరిన్ని లైఫ్ స్టైల్ న్యూస్ కోసం క్లిక్ చేయండి..
