Breaking News
  • కడప: వివేకా హత్యపై సీబీఐ విచారణ జరపాలి. బీజేపీ నేతలపై పోలీసులు అక్రమ కేసులు బనాయిస్తున్నారు. సీఏఏకు వ్యతిరేకంగా డిప్యూటీ సీఎం అంజద్‌ రాజీనామా చేయాలి. వైసీపీ ప్రభుత్వానికి ప్రజలు చరమగీతం పాడుతారు-ఆదినారాయణరెడ్డి.
  • రేపు పవన్‌ కల్యాణ్ ఢిల్లీ పర్యటన. కేంద్రీయ సైనిక్‌ బోర్డు కార్యాలయం సందర్శించనున్న పవన్‌. అమరవీరుల సంక్షేమానికి రూ.కోటి అందించనున్న పవన్‌.
  • కృష్ణాజిల్లా: చందర్లపాడు తహశీల్దార్‌ ఆఫీస్‌ ఎదుట రైతు ఆత్మహత్యాయత్నం. పక్కా ఇళ్ల స్థలాలకు తన పొలంలో మట్టి తవ్వుతున్నారని మనస్తాపం. పురుగులమందు తాగబోయిన రైతు, అడ్డుకున్న సిబ్బంది.
  • ప.గో: తాడేపల్లిగూడెం శశి ఇంజినీరింగ్‌ కాలేజ్ విద్యార్థి మృతి. బైక్‌పై నుంచి పడి మృతిచెందాడంటున్న తండ్రి. అనుమానాస్పద మృతిగా కేసు నమోదు.
  • హైదరాబాద్: మిస్టరీగా మారిన ఆయుష్‌ చాన్‌ బే మృతి, ఈనెల 16న స్నేహితుడి పుట్టిన రోజు అని వెళ్లిన ఆయుష్‌, నిన్న రక్తపు మడుగులో శవమై తేలిన ఆయుష్‌, ఆయుష్‌పై మృతిపై అనుమానాలు.
  • విజయవాడ: అక్రమ కట్టడాలపై ఏసీబీ అధికారుల దాడులు. అనధికారిక అనుమతులపై లోతైన విచారణ. అక్రమంగా నిర్మించిన భవన యజమానులపై చర్యలకు సిఫారసు.

ఇకపై ‘ఫోన్ పే’ నుంచి డబ్బు విత్ డ్రా.. ఎలాగంటే.?

Latest Technology News, ఇకపై ‘ఫోన్ పే’ నుంచి డబ్బు విత్ డ్రా.. ఎలాగంటే.?

డిజిటల్ లావాదేవీల యాప్స్ లిస్ట్‌లో ‘ఫోన్ పే’ అగ్రస్థానంలో ఉంటుంది. నగదు బదిలీ, రీఛార్జ్, టికెట్ బుకింగ్, చెల్లింపులు ఇలా రకరకాల ఫీచర్లతో పాటుగా అదిరిపోయే క్యాష్‌బ్యాక్ ఆఫర్లను ఈ యాప్ ద్వారా పొందవచ్చు. అందుకే దుకాణాలు, నగదు చెల్లింపులోనూ ఈ యాప్‌నే జనాలు ఎక్కువగా వాడుతుంటారు. ఈ నేపథ్యంలో ‘ఫోన్ పే’ సంస్థ తన వినియోగదారుల కోసం సరికొత్త సదుపాయాన్ని ప్రవేశపెట్టింది.

ఈ మధ్యకాలంలో బ్యాంక్ అకౌంట్‌లో డబ్బులు ఉన్నా.. వాటిని ఏటీఎం నుంచి విత్ డ్రా చేసుకోవడంలో చాలా ఇబ్బందులు ఎదుర్కోవాల్సి వస్తోంది. ఇక ఇప్పుడు ఆ సమస్యల నుంచి కస్టమర్లకు ఉపశమనం కల్పించాలని ‘ఫోన్ పే’ సంస్థ ప్రయత్నిస్తోంది. ఈ యాప్ ద్వారా ఇప్పటివరకు ఆన్లైన్ నగదు చెల్లింపులు మాత్రమే ఉండగా.. ఇకపై నగదు ఉపసంహరణ సౌకర్యాన్ని కూడా కల్పించనుంది.

‘ఫోన్ పే ఏటీఎం’ పేరుతో అందుబాటులోకి రానున్న ఈ సదుపాయం ద్వారా డబ్బును యాప్ ద్వారానే విత్ డ్రా చేసుకోవచ్చు. అయితే దీని నుంచి కేవలం రూ.1000 మాత్రమే పొందే అవకాశం ఉంది. ‘ఫోన్ పే’ యాప్‌ ఓపెన్ చేసి స్టోర్స్‌లోకి వెళ్తే అక్కడ ‘ఫోన్ పే ఏటీఎం’ అనే ఆప్షన్ ఉంటుంది. ఇక దాన్ని క్లిక్ చేస్తే దగ్గరలో ఫోన్ పే సదుపాయం ఉన్న షాపులు కనిపిస్తాయి. ఇక ఆ దుకాణదారుడి దగ్గర నుంచి డబ్బు తీసుకునేటప్పుడు ఎలాంటి రుసుము చెల్లించాల్సిన అవసరం లేదని సంస్థ తెలిపింది. అటు ఏ వ్యాపారి అయినా ‘ఫోన్ పే ఏటీఎం’కు దరఖాస్తు చేసుకోవచ్చునని.. వినియోగదారులకు నాణ్యమైన సేవలు అందించడానికి ఈ సదుపాయాన్ని అందుబాటులోకి తీసుకొచ్చామని సంస్థ వెల్లడించింది.

Related Tags