Women’s World Cup 2022: విజయానికి 6 బంతుల్లో 6 పరుగులు.. ఉత్కంఠ మ్యాచులో అదరగొట్టిన వెస్టిండీస్.. కివీస్ ఘోర పరాజయం..

Women’s World Cup 2022: విజయానికి 6 బంతుల్లో 6 పరుగులు.. ఉత్కంఠ మ్యాచులో అదరగొట్టిన వెస్టిండీస్.. కివీస్ ఘోర పరాజయం..
Icc Women’s World Cup 2022, Nzw Vs Wiw

ICC Women’s World Cup 2022, NZW vs WIW: మ్యాచ్ చివరి ఓవర్‌లో న్యూజిలాండ్ విజయానికి 6 పరుగులు చేయాల్సి ఉంది. చేతిలో 3 వికెట్లు ఉన్నా.. 6 పరుగులు చేయడంలో విఫలమైంది.

Venkata Chari

|

Mar 04, 2022 | 3:12 PM

ICC Women’s World Cup 2022, NZW vs WIW: ఐసీసీ మహిళల వన్డే ప్రపంచకప్‌లో వెస్టిండీస్ శుభారంభం చేసింది. టోర్నీ తొలి మ్యాచ్‌లో న్యూజిలాండ్‌పై 3 పరుగుల తేడాతో ఉత్కంఠ విజయం సాధించింది. చివరి 6 బంతుల్లో అద్భుతంగా రాణించి ఆకట్టుకున్నారు. వాస్తవానికి, మ్యాచ్ చివరి ఓవర్‌లో న్యూజిలాండ్ విజయానికి 6 పరుగులు కావాలి. చేతిలో 3 వికెట్లు ఉన్నప్పటికీ 6 పరుగులు చేయడంలో విఫలమైంది. కివీస్ జట్టు మిగిలిన మూడు వికెట్లను కోల్పోయింది. తద్వారా 12వ ఎడిషన్‌ టోర్నీ తొలి మ్యాచ్‌లో వెస్టిండీస్‌ విజయం సాధించింది. వెస్టిండీస్ సాధించిన ఈ విజయంలో బంతి, బ్యాటింగ్‌తో అద్భుతాలు చేసిన హేలీ మాథ్యూస్ ప్లేయర్ ఆఫ్ ద మ్యాచ్‌గా ఎంపికయింది.

తొలుత బ్యాటింగ్ చేసిన హేలీ మాథ్యూస్ బ్యాటింగ్‌తో 128 బంతుల్లో 119 పరుగులు చేసింది. ఇది మహిళల వన్డే ప్రపంచకప్‌లో ఆమెకు తొలి సెంచరీ. ఆ తర్వాత బంతితో అద్భుతంగా బౌలింగ్ చేసి 41 పరుగులిచ్చి 2 వికెట్లు తీసింది.

6 బంతుల్లో మారిపోయిన న్యూజిలాండ్ కథ.. న్యూజిలాండ్ తమ ఇన్నింగ్స్ చివరి ఓవర్లో 6 పరుగులు చేయాల్సి వచ్చింది. ఈ ఓవర్ బౌలింగ్ చేసేందుకు వచ్చిన దియాండ్రా డోటిన్.. ఆ ఓవర్ తొలి బంతికే పరుగు ఇచ్చింది. దాంతో న్యూజిలాండ్ 5 బంతుల్లో 5 పరుగులు చేయాల్సి వచ్చింది. అయితే తర్వాతి బంతికే వికెట్ పడింది. కేట్ మార్టిన్‌ను అవుట్ చేయడం ద్వారా కివీ జట్టుకు డోటిన్ 8వ వికెట్‌ను పడగొట్టింది.

ఆ తరువాత న్యూజిలాండ్‌కు 4 బంతుల్లో 5 పరుగులు చేయడం సవాల్‌గా మారింది. డాటిన్ వేసిన మూడో బంతికి న్యూజిలాండ్ మళ్లీ ఒక్క పరుగు తీసింది. ఆ తరువాత 3 బంతుల్లో 4 పరుగులు చేయాల్సి ఉంది. కానీ, తర్వాతి బంతికే న్యూజిలాండ్‌కు తొమ్మిదో దెబ్బ తగిలింది. అనంతరం 2 బంతులల్లో 4 పరుగులుగా మారింది. కానీ, పరుగులు తీయాలనే హడావుడిలో కివీస్‌ జట్టు చివరి వికెట్‌ కూడా చేజారింది. ఫ్రాన్ జోనాస్ రనౌట్ అయింది. ఇక, ఈ ఉత్కంఠ మ్యాచ్‌ వెస్టిండీస్‌ బ్యాగ్‌లో పడింది.

రెండు జట్ల XI ప్లేయింగ్..

న్యూజిలాండ్ XI: సుజీ బేట్స్, సోఫియా డివైన్, అమేలియా కెర్, అమీ సాటర్త్‌వైట్, మాడ్డీ గ్రీన్, బ్రూకీ హాలీడే, కేటీ మార్టిన్, లీ టహుహు, జెస్ కెర్, హన్నా రోవ్, ఫ్రాన్ జోన్స్

వెస్టిండీస్ XI: డియాండ్రా డాటిన్, హేలీ మాథ్యూస్, కాసియా నైట్, స్టెఫానీ టేలర్, షిమనే కాంప్‌బెల్, చాడియన్ నేషన్, చానెల్ హెన్రీ, ఆలియా అలెన్, అనిస్సా మహ్మద్, షకేరా సెల్మాన్, షామిలియా కానెల్

Also Read: IPL 2022 Promo: ఐపీఎల్ ప్రోమో వచ్చేసిందోచ్.. మాస్ లుక్‌లో అదరగొట్టిన తలా

IND vs SL: కోహ్లీ ఖాతాలో మరో స్పెషల్ రికార్డు.. ఆ లిస్టులో చేరిన ఆరో భారత బ్యాట్స్‌మెన్స్..

Follow us on

Related Stories

Most Read Stories

Click on your DTH Provider to Add TV9 Telugu