కన్వీనర్కోటాలో ఎంబీబీఎస్, బీడీఎస్ సీట్ల భర్తీకి వెబ్ కౌన్సెలింగ్.. నోటిషికేషన్ విడుదల చేసిన కాళోజీ యూనివర్సిటీ..
తెలంగాణలోని వైద్య విద్య కళాశాలల్లో కన్వీనర్ కోటా ఎంబీబీఎస్, బీడీఎస్ సీట్ల భర్తీ కోసం తొలి విడత వెబ్ కౌన్సెలింగ్ ప్రక్రియకు కాళోజీ వైద్య ఆరోగ్య విశ్వవిద్యాలయం నోటిఫికేషన్ విడుదల చేసింది.
Kaloji University : తెలంగాణలోని వైద్య విద్య కళాశాలల్లో కన్వీనర్ కోటా ఎంబీబీఎస్, బీడీఎస్ సీట్ల భర్తీ కోసం తొలి విడత వెబ్ కౌన్సెలింగ్ ప్రక్రియకు కాళోజీ వైద్య ఆరోగ్య విశ్వవిద్యాలయం నోటిఫికేషన్ విడుదల చేసింది. ఈ నోటిఫికేషన్ ప్రకారం ఈనెల 2వ తేదీ నుంచి 4వ తేదీ వరకు మొదటి విడత వెబ్ కౌన్సెలింగ్ నిర్వహించనున్నారు. యూనివర్సిటీ వెబ్సైట్లో పొందుపరిచిన తుది మెరిట్ జాబితాలోని అభ్యర్థులందరూ వెబ్ కౌన్సెలింగ్కు అర్హులని, వారంతా కళాశాలల వారీగా ప్రాధాన్యతను బట్టి ఆప్షన్లు నమోదు చేసుకోవచ్చునని ఉత్తర్వుల్లో పేర్కొన్నారు. బుధవారం ఉదయం ఉదయం 7 గంటల నుండి 4వ తేదీ సాయంత్రం 7 గంటల వరకు అభ్యర్థులు వెబ్ ఆప్షన్లు ఎంచుకోవచ్చని యూనివర్సీ అధికారులు తెలిపారు. కాగా, కళాశాలల వారీగా ఖాళీగా ఉన్న సీట్ల వివరాలను యూనివర్సిటీ అధికారులు సంబంధిత వెబ్సైట్లో పెట్టారు. వీటిని చూసుకుని అభ్యర్థులు తమ ప్రాధాన్యాతను ఎంచుకోవచ్చునని చెప్పారు.