నాయకత్వం కోసం అమెరికా పరితపిస్తోంది, కమలా హారిస్

నాయకత్వం కోసం అమెరికా పరితపిస్తోంది, కమలా హారిస్

నాయకత్వం కోసం అమెరికా పరితపిస్తోందని అమెరికా ఎన్నికల్లో ఉపాధ్యక్ష పదవికి డెమొక్రాట్ అభ్యర్థిగా ఎంపికైన కమలా హారిస్ అన్నారు. అధ్యక్షుడు ట్రంప్ ప్రత్యర్థి..

Umakanth Rao

| Edited By: Pardhasaradhi Peri

Aug 13, 2020 | 7:16 PM

నాయకత్వం కోసం అమెరికా పరితపిస్తోందని అమెరికా ఎన్నికల్లో ఉపాధ్యక్ష పదవికి డెమొక్రాట్ అభ్యర్థిగా ఎంపికైన కమలా హారిస్ అన్నారు. అధ్యక్షుడు ట్రంప్ ప్రత్యర్థి, డెమొక్రాట్ క్యాండిడేట్  జో బిడెన్ తో కలిసి ఆమె మొదటిసారిగా డెల్వర్ లో జరిగిన కార్యక్రమంలో పాల్గొన్నారు. ఈ దేశం ఎన్నో సమస్యలను ఎదుర్కొంటోందని, ట్రంప్ అధ్యక్ష పదవికి తగినవారు కాదని ఆమె అన్నారు. దేశాన్ని ఈ అధినేత గాలికి వదిలేశారని ఆమె ఆరోపించారు. ప్రజలను ఆప్తులుగా చూసుకునే అధ్యక్షుడు రానున్నారని తన పక్కనే ఉన్న జో బిడెన్ ని ఉద్దేశించి ఆమె వ్యాఖ్యానించారు. ఈ దేశాన్ని పునర్నిర్మిద్దాం అన్నదే ఆయన నినాదమని ఆమె చెప్పారు. కరోనా వైరస్ పరిస్థితిని, దేశ ఆర్థిక వ్యవస్థను ట్రంప్ సమర్థంగా హ్యాండిల్ చేయలేకపోయారని కమలా హారిస్ ఆరోపించారు.

ఈ దేశం రేసిజం, సిస్టమిక్ ఇన్ జస్టిస్ (పథకం ప్రకారం జరిగే అన్యాయం) వంటి అవలక్షణాలతో బాధ పడుతోందని, మార్పు కావాలని ప్రజలు కోరుకుంటున్నారని ఆమె పేర్కొన్నారు. అటు-జో బిడెన్ ఈమె ప్రతిభను, వ్యక్తిత్వాన్ని ప్రశంసిస్తూ మాట్లాడారు. బిడెన్, ట్రంప్ కన్నా సుమారు 20 ఏళ్ళు చిన్న వయస్కురాలైన కమలా హారిస్ తన ప్రసంగాలతో యువతను ఆకట్టుకోగలరని భావిస్తున్నారు.

Follow us on

Related Stories

Most Read Stories

Click on your DTH Provider to Add TV9 Telugu