క్యాబ్, టీవీ9 ఎడ్యుకేషనల్ సమ్మిట్.. భారీ స్పందన

హైదరాబాద్‌లో క్యాబ్ సమ్మిట్ ఆహ్లాదభరితంగా సాగుతోంది. టీవీ9, క్యాబ్ సంయుక్త ఆధ్వర్యంలో జరుగుతోన్న ఎడ్యుకేషనల్ ఎక్స్‌పోకు విశేష స్పందన వస్తోంది. ఇవాళ ఆఖరి రోజు కావడంతో జనం పోటెత్తుతున్నారు. నిజాం కాలేజీ గ్రౌండ్స్‌లో జరుగుతున్న ఈ సమ్మిట్‌కి ఉచిత ప్రవేశాన్ని కల్పించారు. ఈ సమ్మిట్‌లో బెంగళూరు, అహ్మదాబాద్, ఢిల్లీకి చెందిన ప్రముఖ విద్యాసంస్థలు స్టాల్స్‌ను ఏర్పాటు చేశాయి. 100కి పైగా స్టాల్స్‌ను ఈ ఎక్స్‌పోలో ఏర్పాటు చేశారు నిర్వాహకులు. విద్యార్ధులు, వారి తల్లిదంద్రులకు ఉన్నత విద్యకు సంబంధించిన సకల సమాచారాన్ని అందిస్తున్నారు. ఇంజనీరింగ్, మెడిసిన్, అగ్రికల్చర్, ఫార్మసీ ఇలా ఉన్నతవిద్యకు సంబంధించిన పూర్తి సమాచారం ఇస్తున్నారు. కోర్సులకు, ఉద్యోగాలకు సంబంధించి సలహాలు అందిస్తున్నారు. ఈ సమ్మిట్ ఎంతో ఉపయోగకరంగా ఉందని విద్యార్ధులు, వారి తల్లిదండ్రులు చెబుతున్నారు.