‘డిస్నీ’ వదిలి….ఇక టిక్ టాక్ కి.. కొత్త బాస్ ఎవరంటే ?

డిస్నీ మాజీ ఎగ్జిక్యూటివ్ డైరెక్టర్ కెవిన్ మేయర్ టిక్ టాక్ హెడ్ కానున్నారు. పాపులర్ వీడియో యాప్ కంపెనీకి చీఫ్ ఆపరేటింగ్ ఆఫీసర్ గా కూడా అయన వ్యవహరించనున్నారు. ఒక వినోద ప్రధానమైన ఇండస్ట్రీ నుంచి ఈయన సర్ ప్రైజ్ ‘జంప్’.. టిక్ టాక్ కి వరంగా మారినా ఆశ్చర్యం లేదంటున్నారు. ప్రపంచ వ్యాప్త కరోనా వైరస్ లాక్ డౌన్ కాలంలో టిక్ టాక్ కే అంకితమైన కోట్లాది మందికి కెవిన్ నియామకం విస్మయం కలిగించింది. డిస్నీ టెలివిజన్ స్క్రీమింగ్ సర్వీసు సక్సెస్ ఫుల్ రోలవుట్ ని పర్యవేక్షించిన కెవిన్ మేయర్.. ఇక బీజింగ్ (చైనా) లోని ‘బైట్ డాన్స్’ గ్లోబల్ డెవలప్ మెంట్ ని కూడా మానిటర్ చేయనున్నారు. బైట్ డాన్స్ ఫౌండర్, చీఫ్ ఎగ్జిక్యూటివ్ ఇమింగ్ జాంగ్ కి ఈయన నేడో రేపో రిపోర్టు చేస్తారట.

కెవిన్ మేయర్ కి ఉన్న అపార అనుభవం వరల్డ్ వైడ్ గా గల యూజర్లలో స్ఫూర్తి నింపాలన్న మా మిషన్ కి తోడ్పడగలదని ఆశిస్తున్నాం అని జాంగ్ ఒక ప్రకటనలో పేర్కొన్నారు. బైట్ డాన్స్ తదుపరి జర్నీ దశలో దీన్ని ముందుండి నడిపించడానికి నేను ఉబలాట పడుతున్నా  అని కెవిన్ సైతం పేర్కొన్నారు. 2017 లో టిక్ టాక్ ను లాంచ్ చేసినప్పటి నుంచి రెండు వందల కోట్లకు పైగా డౌన్ లోడ్లు అవుతూ వచ్చాయని అమెరికాలోని రీసర్చ్ సంస్థ ‘సెన్సర్ టవర్’ తెలిపింది. ఇండియా, యుఎస్, ఇండోనేసియా తదితర దేశాల్లో పెరిగిపోయిన దీని పాపులారిటీ ఇంతా అంతా కాదు. ఒక్క మార్చి నెలలోనే ప్రపంచ వ్యాప్తంగా టిక్ టాక్ 65 మిలియన్లకు పైగా డౌన్ లోడ్లతో కనీవినీ ఎరుగని ప్రాముఖ్యతను సంతరించుకుంది.