ఇంట్లోకి చిరుత.. షాద్నగర్లో కలకలం!
ఇంట్లోకి ప్రవేశించిన చిరుతను పోలీసులు రక్షించి జూపార్కుకు తరలించారు. ఈ సంఘటన షాద్నగర్లో చోటుచేసుకుంది. పోలీసులు తెలిపిన వివరాల ప్రకారం.. పటేల్ రోడ్లోని ఒక ఇంట్లోకి చిరుత పులి ప్రవేశించి భవనం మొదటి అంతస్తులో విశ్రాంతి తీసుకుంది. ఉదయాన్నే చిరుతను చూసిన ఇంటి యజమాని భయంతో బయటకు పరుగెత్తాడు. చిరుత ఇంట్లోకి ప్రవేశించడంతో షాద్నగర్లో ఉద్రిక్త వాతావరణం నెలకొంది. ప్రజలు తీవ్ర భయాందోళనలకు గురయ్యారు. సమాచారం అందుకున్న పోలీసులు, అటవీశాఖ అధికారులు అక్కడికి చేరుకుని, ఎలాంటి అవాంఛనీయ […]
ఇంట్లోకి ప్రవేశించిన చిరుతను పోలీసులు రక్షించి జూపార్కుకు తరలించారు. ఈ సంఘటన షాద్నగర్లో చోటుచేసుకుంది. పోలీసులు తెలిపిన వివరాల ప్రకారం.. పటేల్ రోడ్లోని ఒక ఇంట్లోకి చిరుత పులి ప్రవేశించి భవనం మొదటి అంతస్తులో విశ్రాంతి తీసుకుంది. ఉదయాన్నే చిరుతను చూసిన ఇంటి యజమాని భయంతో బయటకు పరుగెత్తాడు. చిరుత ఇంట్లోకి ప్రవేశించడంతో షాద్నగర్లో ఉద్రిక్త వాతావరణం నెలకొంది. ప్రజలు తీవ్ర భయాందోళనలకు గురయ్యారు.
సమాచారం అందుకున్న పోలీసులు, అటవీశాఖ అధికారులు అక్కడికి చేరుకుని, ఎలాంటి అవాంఛనీయ సంఘటనలు జరగకుండా ప్రజలను దూర ప్రాంతాలకు తరలించారు. ఎట్టకేలకు చిరుతను పట్టుకొని జూపార్క్కు తరలించారు. సహాయక చర్యలో ఒక పోలీసు కానిస్టేబుల్ స్వల్పంగా గాయపడ్డాడు. ఎటువంటి అవాంఛనీయ సంఘటనలు జరుగకుండా అటవీశాఖ అధికారులు చిరుతను అదుపులోకి తీసుకోవడంతో ప్రజలు ఊపిరి పీల్చుకున్నారు.