Telangana Rain: రానున్న మూడు రోజుల్లో తెలంగాణ రాష్ట్రంలో వర్షాలు.. హైదరాబాద్‌ వాతావరణ శాఖ

Telangana Rain: రానున్న మూడు రోజుల్లో తెలంగాణ రాష్ట్రంలో వర్షాలు కురిసే అవకాశం ఉందని హైదరాబాద్‌ వాతావరణ శాఖ వెల్లడించింది. నేటి నుంచి 23వ తేదీ వరకు రాష్ట్రంలో వర్షాలు కురిసే అవకాశం ఉందని తెలిపింది. విదర్భ, మ‌ర‌ఠ్వాడ‌ పరిసర ప్రాంతాల్లో సముద్ర మట్టానికి 1.5 కిలోమీట‌ర్ల నుంచి 2.1 కి.మీ. ఎత్తు మధ్య ఏర్పడిన ఉపరితల ద్రోణి బుధ‌వారం బలహీనపడిందని వాతావరణ శాఖ తెలిపింది. బుధవారం ఉత్తర- తూర్పు ఉపరితల ఆవర్తనం దక్షిణ తమళనాడు నుంచి ఇంటీరియర్ కర్ణాటక వరకు సముద్ర మట్టానికి 1.5 కిలోమీట‌ర్ల ఎత్తు ఏర్పడిందని తెలిపింది. దీని ప్రభావంతో రానున్న మూడు రోజుల్లో రాష్ట్రంలో ఉరుములు, మెరుపులతో కూడిన తేలికపాటి వర్షాలు కురుస్తాయని తెలిపింది. గురువారం ఉరుములు, మెరుపులతో గంటకు 30 నుంచి 40 కిలోమీటర్ల వేగంతో ఈదురు గాలులు వీచే అవకాశం ఉందని తెలిపింది. 23వ తేదీన ఉరుములు మెరుపులుతో కూడిన వ‌ర్షాలు కురిసే అవ‌కాశం ఉంద‌ని హైదరాబాద్‌ వాతావరణ శాఖ తెలిపింది.

Bus Shelter: ఆర్టీసీ అధికారుల వినూత్న ఆలోచన… బస్సునే షెల్టర్ గా మార్చితే..! అనుకున్నదే తడువుగా ఆచరణలో పెట్టాడు ఆ డిపో మేనేజర్

TSPSC Recruitment 2021: తెలంగాణలో నిరుద్యోగులకు శుభవార్త… ఆ ఉద్యోగాల భర్తీకి దరఖాస్తు గడువు పెంపు