మున్సిపాలిటీల్లో ‘రెవిన్యూ మేళాలు’.. శ్రీకారం చుట్టనున్న సర్కార్..
రాష్ట్రంలోని మున్సిపాలిటీలు, మున్సిపల్ కార్పొరేషన్ పరిధిలో ఉన్న సమస్యలను పరిష్కరించడం కోసం తెలంగాణ సర్కార్ కీలక నిర్ణయం తీసుకుంది.
Revenue Mela In Municipalites: రాష్ట్రంలోని మున్సిపాలిటీలు, మున్సిపల్ కార్పొరేషన్ పరిధిలో ఉన్న సమస్యలను పరిష్కరించడం కోసం తెలంగాణ సర్కార్ కీలక నిర్ణయం తీసుకుంది. ప్రాపర్టీ ట్యాక్స్, ఇతరత్రా రెవిన్యూ విభాగంలోని సమస్యలపై ప్రతీ సోమవారం, బుధవారం మున్సిపాలిటీల్లో రెవిన్యూ సదస్సులకు శ్రీకారం చుట్టనుంది. ఈ మేరకు మున్సిపల్ శాఖ కీలక ఆదేశాలు జారీ చేసింది. ఈ అవకాశాన్ని సెప్టెంబర్ 15 వరకు కల్పిస్తుండగా.. ప్రతీ ఒక్కరూ కూడా దీన్ని సద్వినియోగం చేసుకోవాలని ప్రభుత్వం విజ్ఞప్తి చేసింది. రెవిన్యూ సదస్సులు ఉదయం 10.30 నుంచి మధ్యాహ్నం 1.30 వరకు మున్సిపల్ కార్యాలయంలో జరుగుతాయంది.
రెవిన్యూ మేళాకు తీసుకురావాల్సిన పత్రాలు…
- డోర్ నెంబర్ కోసం: అసెస్మెంట్ కాపీ
- పేరు మార్పుకు: మ్యుటేషన్ కాపీ /రిజిస్ట్రేషన్ డాక్యూమెంట్లు
- ఇల్లు తీసేసినట్టయితే ఇంటి పన్ను రద్దు కోసం: ఫోటో, చివరిగా కట్టిన ఇంటి పన్ను రశీదు.
- ఇంటి పన్ను ఎక్కువ వచ్చినట్లయితే : అసెస్మెంట్ కాపీ, ఇంటి ఫోటో, సంబంధిత డాక్యూమెంట్లు
- డబుల్ అసెస్మెంట్ అయితే : ఇంటి పర్మిషన్, అసెస్మెంట్ నంబర్స్, మొదటగా కట్టిన ఇంటి పన్ను రశీదు తేవాలి.