సిద్ధిపేటలో ఓ రైతు సరికొత్త ప్రయోగం.. కాజల్, తమన్నాలను చేనులోకి తీసుకొచ్చాడు.. ఎందుకో తెలిస్తే షాక్ అవుతారు..
Tamannaah Kajal Flexis: సిద్ధిపేటలో ఓ రైతు పంటను కాపాడుకోవడానికి సరికొత్త ఆలోచన చేశాడు. ప్రతియేట పంట దిగుబడి రాక నష్టపోతుండటంతో
Tamannaah Kajal Flexis: సిద్ధిపేటలో ఓ రైతు పంటను కాపాడుకోవడానికి సరికొత్త ఆలోచన చేశాడు. ప్రతియేట పంట దిగుబడి రాక నష్టపోతుండటంతో పైరుకు నరదిష్టి తగిలిందని భావించాడు. తన పంటపై ఇతరుల కన్ను పడకుండా ఉండటానికి ఓ పథకం ఆలోచించి అమలు చేశాడు. అతడి ఆలోచనకు అందురు షాక్ తింటున్నారు.
సిద్దిపేట జిల్లా చిన్నకోడూర్ మండలం చందలపూర్ గ్రామానికి చెందిన చంద్రమౌళి రెండు ఎకరాల్లో మిర్చి పంట సాగు చేస్తున్నాడు. పంట చేతికి వచ్చే సమయంలో ఏదో ఒక తెగులు సోకి నష్టపోతున్నాడు. ఇలా రెండు, మూడేళ్లు నష్టపోయిన చంద్రమౌళి తోటకు నరదిష్టి తగిలిందని భావించాడు. బాగా ఆలోచించి మిర్చితోటలో దిష్టిబొమ్మలు పెట్టాలనుకున్నాడు.
అందుకోసం దిష్టిబొమ్మలకు బదులు టాలీవుడ్ హీరోయిన్స్ తమన్నా, కాజల్ నిలువెత్తు ఫ్లెక్సీలను ఏర్పాటు చేశాడు. హీరోయిన్స్ ఫొటోలు అందంగా, ఆకర్శణీయంగా ఉండడంతో బాటసారుల చూపంతా వాటిపైనే పడింది. తోటను, కాతను ఎవరు పట్టించుకోకపోవడంతో దిగుబడి అనుకున్న దానికంటే అధికంగా రావడంతో ఆనందం వ్యక్తం చేస్తున్నాడు. తమన్నా, కాజల్ వల్ల తనకు నష్టాలు తప్పాయని మురిసిపోతున్నాడు.