పార్ట్ టైం రాజకీయం.. ఫుల్ టైం దందా..!
పాత సినిమాల్లో హీరో రాత్రింబవళ్లు రిక్షా తొక్కి, చెమటలు చిందించి కోటీశ్వరుడైపోతాడు ! రేవంత్ ఆ టైప్ కాదు. అతనిది నడమంత్రపు సిరి. అందరి చెమట కష్టాన్ని దోచుకుంటే వచ్చింది. ఒక సాధారణ పెయింటర్ పొలిటీషియన్గా
పాత సినిమాల్లో హీరో రాత్రింబవళ్లు రిక్షా తొక్కి, చెమటలు చిందించి కోటీశ్వరుడైపోతాడు ! రేవంత్ ఆ టైప్ కాదు. అతనిది నడమంత్రపు సిరి. అందరి చెమట కష్టాన్ని దోచుకుంటే వచ్చింది. ఒక సాధారణ పెయింటర్ పొలిటీషియన్గా ఎదగడం వెనుక పెద్ద కథే ఉంది. కబ్జాలు, కుట్రలు మొదలుకొని సెటిల్మెంట్లు, బెదిరింపులు, వసూళ్లు.. అబ్బో రేవంత్ అవినీతి బండారం అంత చిన్నదేమీ కాదు. రోజుల తరబడి చెప్పినా కబ్జాల కథ పూర్తయ్యేది కాదు !
రేవంత్ రెడ్డి… ఎప్పుడూ హడావుడి చేస్తూ… ఎగిరెగిరి పడుతూ కన్పిస్తారు. తానో పెద్ద లీడర్నని, తనపై ఫోకస్ పెట్టండ్రా బాబూ అన్నట్లు బిహేవ్ చేస్తుంటారు. రేవంత్ ఓ చోటా లీడర్. నిజానికి అది కూడా పెద్ద పదమే ! సాధారణ పెయింటర్గా జీవితం మొదలు పెట్టిన రేవంత్ ఇప్పుడు కోట్లకు పడగలెత్తారు. అంటే ఎంతో కష్టపడి పైకొచ్చారని అనుకుంటే పొరపాటు ! ఇదే సినిమా కాదు. రాత్రికి రాత్రి కోటీశ్వరుడైపోడానికి ! నిజానికి జీరో నుంచి ఈ స్థాయికి చేరుకునేందుకు రేవంత్ బాగానే కష్టపడ్డారు. ఆ కష్టమంతా కబ్జాలు, సెటిల్మెంట్లు, వసూళ్లలో చూపించారు.
తొలినాళ్లలో రేవంత్రెడ్డి వనపర్తిలో మామూలు పెయింటర్. దుకాణాలు బోర్డులు, గోడలపై ప్రకటనలు చేయడమే పని. అదే టైంలో ఓ కాంగ్రెస్ ఎమ్మెల్యేకి బ్యానర్లు రాసే కాంట్రాక్టు దక్కడంతో లైఫ్ టర్న్ తిరిగింది. మకాం హైదరాబాద్లోని నారాయణగూడకు మారింది. అప్పటి నుంచి పొలిటికల్ పరిచయాలు పెరిగాయి. కేంద్ర మాజీ మంత్రి సోదరుడి కుమార్తెతో ప్రేమ వివాహం తర్వాత కథ మారిపోయింది. మిడ్జిల్లో జెడ్పీటీసీ సభ్యుడిగా టీఆర్ఎస్ మద్దతుతో ఎన్నికై, ఆ తరువాత ఎమ్మెల్సీ గిరీ దక్కించుకున్నారు. తదుపరి టీడీపీలో చేరడం…ఎమ్మెల్యే కావడం.. ఓటుకు నోటు కథల వ్యవహారం అందరికీ తెలిసిందే !
ఇదంతా జస్ట్ ట్రైలర్.. రేవంత్ అవినీతి కథ చాలా పెద్దదే ఉంది. అందుకే రేవంత్ను పార్ట్ టైం పొలిటీషియన్ అనేది. అది జస్ట్ ఓ ముసుగు మాత్రమే ! దీన్ని అడ్డం పెట్టుకుని కన్పించిన చోటు కబ్జా చేయడం, బ్లాక్ మెయిలింగ్కు పాల్పడడం, సెటిల్మెంట్లు, వసూళ్లు… అబ్బో చాలానే ఉన్నాయి. అందుకే రాష్ట్ర వ్యాప్తంగా అన్నీ పోలీస్ స్టేషన్లలోనూ రేవంత్పై ఏవో ఒక కేసులు కూడా ఉన్నాయి. తిమ్మిని బమ్మిని చేసి… తానో క్లీన్ ఇమేజున్న లీడర్లా కవరింగ్ ఇస్తూ బతికేస్తున్నారు రేవంత్.