SCR: రైలు ప్రయాణికులకు గుడ్ న్యూస్.. ఆ మార్గంలో పూర్తయిన డబ్లింగ్ విద్యుదీకరణ పనులు..
దక్షిణ మధ్య రైల్వే కీర్తికిరీటంలో మరో కలికితురాయి చేరింది. చివరి దశలో ఉన్న ప్రాజెక్టులపై జోన్ ప్రత్యేక దృష్టి సారించింది. ఈ మేరకు సికింద్రాబాద్ - మహబూబ్నగర్ డబ్లింగ్, విద్యుదీకరణ ప్రాజెక్టు విజయవంతంగా పూర్తయింది. ఈ ప్రాజెక్టు పూర్తి కావడంతో...
దక్షిణ మధ్య రైల్వే కీర్తికిరీటంలో మరో కలికితురాయి చేరింది. చివరి దశలో ఉన్న ప్రాజెక్టులపై జోన్ ప్రత్యేక దృష్టి సారించింది. ఈ మేరకు సికింద్రాబాద్ – మహబూబ్నగర్ డబ్లింగ్, విద్యుదీకరణ ప్రాజెక్టు విజయవంతంగా పూర్తయింది. ఈ ప్రాజెక్టు పూర్తి కావడంతో దక్షిణ తెలంగాణలో ప్రధానమైన మౌలిక సదుపాయాల అభివృద్ధికి ఎంతో దోహదపడుతుందనడంలో సందేహం లేదు. హైదరాబాద్ నుంచి దక్షిణం వైపు ఉన్న కర్నూలు, అనంతపరం, కడప, బెంగళూరు, తిరుపతి వంటి ప్రధాన నగరాలతో అనుసంధానంలో ఈ డబ్లింగ్ లైన్ ప్రధానమైనది. రైల్వే అనుసంధానం పెరగడంతో నూతన అవకాశాలు మెరుగుపడి ఈ ప్రాంతం మరింత అభివృద్ధి చెందుతుంది. గొల్లపల్లి – దివిటిపల్లి మధ్య 10 కి.మీల మేర డబ్లింగ్, గొల్లపల్లి – మహబూబ్నగర్ మధ్య 25 కి.మీల విద్యుదీకరణ పనులు నేడు పూర్తయ్యాయి. ఫలితంగా ఈ ప్రాజెక్టు మొత్తం పూర్తయింది. తెలంగాణలో రైళ్ల నిర్వహణ బలోపేతం కోసం మంజూరు చేసిన కీలక ప్రాజెక్టులలో సికింద్రాబాద్ – మహబూబ్నగర్ డబ్లింగ్ విద్యుదీకరణ ప్రాజెక్టు ఒకటి. ఈ ప్రాజెక్టును రైల్వే పీఎస్యూ, రైల్ వికాస్ నిగమ్ లిమిటెడ్ (ఆర్వీఎన్ఎల్) చేపట్టారు. 85 కి.మీల గల ఈ ప్రాజెక్టును రూ.774 కోట్ల అంచనా వ్యయంతో 2015 – 16 సంవత్సరంలో మంజూరైంది. సికింద్రాబాద్ – ఉందానగర్ మధ్య 28 కి.మీలు, ఎమ్ఎమ్టీఎస్ మొదటి, రెండో దశల ప్రాజెక్టులలో భాగంగా చేపట్టిన పనులు ఇప్పటికే పూర్తయ్యాయి.
సికింద్రాబాద్ – మహబూబ్నగర్ డబ్లింగ్ విద్యుదీకరణ ప్రాజెక్టు పనులను విజయవంతంగా పూర్తి చేయడంలో కృషి చేసిన దక్షిణ మధ్య రైల్వే, ఆర్వీఎన్ఎల్ అధికారులను, సిబ్బందిని దక్షిణ మధ్య రైల్వే జనరల్ మేనేజర్ శ్రీ సంజీవ్ కిశోర్ అభినందించారు. కీలకమైన ఈ ప్రాజెక్టును నిర్దేశించిన సమయంలోగా పూర్తి కావడానికి నిబద్ధతతో, అంకిత భావంతో శ్రమించిన ఉద్యోగులందరినీ జనరల్ మేనేజర్ ప్రశంసించారు. ఈ ప్రాజెక్టు పూర్తి కావడంతో సెక్షన్లో సామర్థ్యం పెరుగుతుందని, హైదరాబాద్ – సికింద్రాబాద్ ప్రాంతాలతో దక్షిణాది పట్టణాల అనుసంధానం మెరుగవుతుందని ఆశాభావం వ్యక్తం చేశారు.
Also Read
Traffic Challans: వాహనదారులకు గుడ్న్యూస్.. ట్రాఫిక్ చలానాల రాయితీ గడువు పొడిగింపు
4 టన్నుల డైనమైట్.. 40 అంతస్తులు.. 9 సెకెన్లలో ఢాం..నేలపై కుషన్లు.! వీడియో చుస్తే మతి పోవాల్సిందే..
IPL 2022: వికెట్ తీసిన సంబరంలో..భార్యకు ఫ్లైయింగ్ కిస్ ఇచ్చిన చాహల్.. నెట్టింట్లో వైరల్..