కనీస డిగ్రీతో ఆర్బీఐ ఉద్యోగం.. దరఖాస్తు చేసుకోండిలా..!
న్యూ ఇయర్ వేళ నిరుద్యోగులకు గొప్ప శుభవార్త. కనీస డిగ్రీ అర్హత ఉంటే చాలు దేశంలోనే అత్యున్నత బ్యాంకు ఆర్బీఐలో అసిస్టెంట్ పోస్టు సాధించే సువర్ణావకాశం మీ సొంతమవుతుంది. బ్యాంకు లావాదేవీలను పరిశీలించడమే ఈ అసిస్టెంట్ల ప్రధాన విధి, వారానికి ఐదు రోజులు పని, అంతేకాకుండా పనివేళలు చాలా తక్కువ.. నెలకు రూ.36,000 వేతనం. ఇంతకంటే ఏం కావాలి చెప్పండి. ఇంకెందుకు ఆలస్యం ఈ పోస్టుకు కావలసిన అర్హతలు, పరీక్ష విధివిధానాలు ఏంటో ఇప్పుడు చూద్దాం. ముందుగా […]
న్యూ ఇయర్ వేళ నిరుద్యోగులకు గొప్ప శుభవార్త. కనీస డిగ్రీ అర్హత ఉంటే చాలు దేశంలోనే అత్యున్నత బ్యాంకు ఆర్బీఐలో అసిస్టెంట్ పోస్టు సాధించే సువర్ణావకాశం మీ సొంతమవుతుంది. బ్యాంకు లావాదేవీలను పరిశీలించడమే ఈ అసిస్టెంట్ల ప్రధాన విధి, వారానికి ఐదు రోజులు పని, అంతేకాకుండా పనివేళలు చాలా తక్కువ.. నెలకు రూ.36,000 వేతనం. ఇంతకంటే ఏం కావాలి చెప్పండి. ఇంకెందుకు ఆలస్యం ఈ పోస్టుకు కావలసిన అర్హతలు, పరీక్ష విధివిధానాలు ఏంటో ఇప్పుడు చూద్దాం.
ముందుగా ప్రాథమిక పరీక్ష.. ఆ తర్వాత ప్రధాన పరీక్ష ఉంటాయి. ఇక ఈ రెండు దశలూ దాటితే లాంగ్వేజ్ టెస్ట్ ఉంటుంది. అయితే ఉద్యోగానికి మాత్రం అర్హత సాధించాలంటే ప్రధాన పరీక్షలో అత్యధిక స్కోర్ సాధించాల్సి ఉంటుంది. ఇక ఈ పరీక్షలు ఎన్ని మార్కులకు ఉంటాయో తెలుసుకుందాం.
ప్రాథమిక పరీక్ష…
– ఈ పరీక్షను 100 మార్కులకు నిర్వహిస్తారు. అంతేకాకుండా మూడు విభాగాల్లో ప్రశ్నలు ఉంటాయి.
ఇంగ్లీష్ లాంగ్వేజ్ – 30 మార్కులు
న్యూమరికల్ ఎబిలిటీ- 35 మార్కులు
రీజనింగ్ ఎబిలిటీ- 35 మార్కులు
ఇక పరీక్ష వ్యవధి ఒక గంటగా నిర్దేశించారు.
ప్రధాన పరీక్ష…
– ఈ పరీక్ష 200 మార్కులకు ఉంటుంది.
ఇంగ్లీష్ లాంగ్వేజ్ – 40 మార్కులు
న్యూమరికల్ ఎబిలిటీ- 40 మార్కులు
రీజనింగ్ ఎబిలిటీ- 40 మార్కులు
జనరల్ అవేర్నెస్ – 40 మార్కులు
కంప్యూటర్ నాలెడ్జ్ – 40 మార్కులు
పరీక్ష వ్యవధి 135 మినిట్స్.
ఇదిలా ఉంటే ఈ రెండు పరీక్షల్లోనూ తప్పులు రాస్తే మైనస్ మార్కులు ఉంటాయి. ప్రతీ తప్పుకు 1/2 మార్క్ పోతుంది. కాగా, ప్రశ్నలు ఇంగ్లీష్, హిందీ భాషల్లో ఉంటాయి.
లాంగ్వేజ్ ప్రొఫిషియన్సీ టెస్ట్…
పైరెండు పరీక్షల్లో అర్హత సాధించినవారికి ఈ పరీక్షను నిర్వహిస్తారు. ఇక అభ్యర్థి దరఖాస్తు చేసుకున్న కార్యాలయానికి కేటాయించిన భాషలో ఈ పరీక్ష రాయాల్సి ఉంటుంది. హైదరాబాద్లో 25 ఖాళీలకు తెలుగు భాషలో పరీక్ష రాసే అవకాశం ఉండగా.. ముంబైలో 419 ఖాళీల కోసం మరాఠీ లేదా కొంకిణీ భాషా తెలుసుండాలి.
కావలసిన అర్హతలు లిస్ట్ ఇదే…
విద్యార్హత: 50% మార్కులతో ఏదైనా డిగ్రీ ఉత్తీర్ణత, ఎస్సీ, ఎస్టీ, దివ్యాంగులకు అయితే డిగ్రీ పూర్తి చేస్తే చాలు..
వయసు: డిసెంబరు 1, 2019 నాటికి 20- 28 ఏళ్ల మధ్య ఉండాలి
ఎస్సీ, ఎస్టీలకు అయిదేళ్లు, ఓబీసీలకు మూడేళ్లు, దివ్యాంగులకు పదేళ్లు సడలింపులు వర్తిస్తాయి
ఆన్లైన్ దరఖాస్తులకు చివరి తేదీ: జనవరి 16
అప్లికేషన్ ఫీ: ఎస్సీ, ఎస్టీ, దివ్యాంగులు, ఎక్స్ సర్వీస్మన్కు రూ.50, మిగిలిన వారికి రూ.450
ప్రిలిమినరీ పరీక్షలు: ఫిబ్రవరి 14,15
పరీక్ష కేంద్రాలు: విజయవాడ, విశాఖపట్నం, రాజమండ్రి, తిరుపతి, కాకినాడ, నెల్లూరు, గుంటూరు, కర్నూలు, చీరాల, విజయనగరం, హైదరాబాద్, కరీంనగర్, ఖమ్మం, వరంగల్
ప్రధాన పరీక్షలు: మార్చిలో
సమాచారం కోసం: www.rbi.org.in