చంద్రబాబుకు పవన్ ప్రత్యామ్నాయమా?..బిగ్ న్యూస్ బిగ్ డిబేట్

చంద్రబాబుకు పవన్ ప్రత్యామ్నాయమా?..బిగ్ న్యూస్ బిగ్ డిబేట్

ఏపీలో పాలిటిక్స్ రోజుకో కొత్త రంగు పులుముకుంటున్నాయి. ఇన్నాళ్లు వైసీపీ వెర్సస్ టీడీపీగా సాగిన రాజకీయంలోకి ఇప్పుడు జనసేన ఎంట్రీ ఇచ్చింది. అలాంటి, ఇలాంటి ఎంట్రీ కాదు ఏకంగా ప్రకంపనలే సృష్టిస్తోంది. ఇప్పటివరకు జగన్‌ ప్రభుత్వం మీద శివాలెత్తిపోతున్న జనసేనాని పవన్‌ కల్యాణ్‌- సడెన్‌గా బీజేపీ మీద మనసు పారేసుకున్నారు. ఈ దేశానికి అమిత్‌ షా లాంటివాళ్లే కరెక్ట్‌ అని వ్యాఖ్యానించడం సంచలనంగా మారింది. అదే సమయంలో జగన్‌ను తాను ముఖ్యమంత్రిగానే గుర్తించనని చెప్పారు. పవన్‌ వ్యాఖ్యలకు […]

Ram Naramaneni

|

Dec 03, 2019 | 10:02 PM

ఏపీలో పాలిటిక్స్ రోజుకో కొత్త రంగు పులుముకుంటున్నాయి. ఇన్నాళ్లు వైసీపీ వెర్సస్ టీడీపీగా సాగిన రాజకీయంలోకి ఇప్పుడు జనసేన ఎంట్రీ ఇచ్చింది. అలాంటి, ఇలాంటి ఎంట్రీ కాదు ఏకంగా ప్రకంపనలే సృష్టిస్తోంది. ఇప్పటివరకు జగన్‌ ప్రభుత్వం మీద శివాలెత్తిపోతున్న జనసేనాని పవన్‌ కల్యాణ్‌- సడెన్‌గా బీజేపీ మీద మనసు పారేసుకున్నారు. ఈ దేశానికి అమిత్‌ షా లాంటివాళ్లే కరెక్ట్‌ అని వ్యాఖ్యానించడం సంచలనంగా మారింది. అదే సమయంలో జగన్‌ను తాను ముఖ్యమంత్రిగానే గుర్తించనని చెప్పారు. పవన్‌ వ్యాఖ్యలకు వైసీపీ కౌంటర్‌ ఇచ్చింది. తాము పవన్‌ని రాజకీయ నాయకుడిగా గుర్తించడం లేదని వైసీపీ మంత్రులు అంటున్నారు. అమిత్‌ షాను పొడుగుతూ, జగన్‌ను విమర్శిస్తూ- పవన్‌ కల్యాణ్‌ చేస్తున్న రాజకీయాలు ఏపీలో ఇప్పుడు హాట్ టాపిక్.

చంద్రబాబుకు పవన్‌ దత్తపుత్రుడని వైసీపీ నాయకులు కొంతకాలంగా విమర్శిస్తున్న వేళ, జనసేనాని తిరుపతిలో లాయర్ల సమావేశంలో చేసిన వ్యాఖ్యలు కలకలం పుట్టించాయి. సీమలో హైకోర్టు కావాలన్న డిమాండ్‌పై స్పష్టంగా జవాబు చెప్పని పవన్‌ కల్యాణ్‌, ఈ అంశంపై తానెందుకు తిట్లు తినాలని వ్యాఖ్యానించారు. ఈ దేశానికి అమిత్‌ షా లాంటి వ్యక్తులు కరెక్ట్‌ అన్నారు. అలాంటివాళ్లు ఉక్కుపాదంతో అణచేస్తారని చెప్పారాయన.

ఇసుక, అమరావతి, చంద్రబాబు భద్రత వంటి అంశాలపై టీడీపీ నిర్దిష్టమైన కార్యక్రమాలకు పరిమితమైన వేళ, పవన్‌ వర్సెస్‌ వైసీపీ మధ్య యుద్ధం కొత్త ఎత్తుకు వెళ్లింది. అమిత్‌ షాను పొడుగుతూ పవన్‌ మాట్లాడటం ఇప్పుడు కొత్త చర్చను లేవనెత్తింది. ఇక ఇదే అంశంపై ఈరోజు టీవీ9 బిగ్ న్యూస్ – బిగ్ డిబేట్ నిర్వహించింది. టీవీ9 మేనేజింగ్ ఎడిటర్ రజినీకాంత్ పలు కీలక ప్రశ్నలను చర్చలో పాల్గొన్న నాయకుల వద్ద రైజ్ చేశారు. ఏపీలో చంద్రబాబు నాయుడిని డామినేట్ చేసి పవన్ కళ్యాణ్ ప్రత్యామ్నాయంగా ఎదగాలనుకుంటున్నారా అని రజినీకాంత్, జనసేన లీడర్‌ శివ శంకర్‌ను ప్రశ్నించారు. దానికి ఆయన ఏం సమాధానాలు చెప్పారు. శివశంకర్ సమాధానాలకు టీడీపీ, బీజేపీ ఎలా రెస్పాండ్ అయ్యాయో దిగువ వీడియోలో చూడండి.

Follow us on

Related Stories

Most Read Stories

Click on your DTH Provider to Add TV9 Telugu