బంగా‌ళా‌ఖా‌తంలో అల్ప‌పీ‌డనం : తెలంగాణ‌లో విస్తారంగా వ‌ర్షాలు

బంగా‌ళా‌ఖా‌తంలో అల్ప‌పీ‌డనం :  తెలంగాణ‌లో విస్తారంగా వ‌ర్షాలు

తెలంగాణ‌లో రాగల మూడురోజుల్లో భారీ వ‌ర్షాలు కురిసే అవ‌కాశం ఉన్న‌ట్లు హైదరాబాద్ వాతావరణ కేంద్రం తెలిపింది. సోమ‌వారం అక్కడక్కడ ఉరుములు, మెరుపులతో కూడిన‌ తేలికపాటి నుంచి ఒక మోస్తరు వర్షాలు చాలా చోట్ల కురిసే ఛాన్స్ ఉంద‌ని వెల్ల‌డించింది.

Ram Naramaneni

|

Aug 10, 2020 | 7:01 AM

Rain forecast for Telangana : తెలంగాణ‌లో రాగల మూడురోజుల్లో భారీ వ‌ర్షాలు కురిసే అవ‌కాశం ఉన్న‌ట్లు హైదరాబాద్ వాతావరణ కేంద్రం తెలిపింది. సోమ‌వారం అక్కడక్కడ ఉరుములు, మెరుపులతో కూడిన‌ తేలికపాటి నుంచి ఒక మోస్తరు వర్షాలు చాలా చోట్ల కురిసే ఛాన్స్ ఉంద‌ని వెల్ల‌డించింది. వాయవ్య బంగాళాఖాతం పరిసర ఏరియాల్లో, దానిని ఆనుకుని ఉన్న పశ్చిమ మధ్య బే ఆఫ్ బెంగాల్ ప్రాంతాలలో ఉపరితల అల్పపీడనం ఏర్పడిందని, దాని ఎఫెక్ట్‌తో రానున్న మూడు రోజులు రాష్ట్ర‌వ్యాప్తంగా వివిధ ప్రాంతాల్లో విస్తారంగా వర్షాలు కురిసే అవకాశం ఉందని వివ‌రించింది.

వరంగల్-పట్టణ, వరంగల్-గ్రామీణ, మహబూబాబాద్, పెద్దపల్లి, కరీంనగర్, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, ఆదిలాబాద్, నిర్మల్, కోమురంభీం –ఆసిఫాబాద్, మంచిర్యాల, నిజామాబాద్, కామారెడ్డి, జగిత్యాల, రాజన్నసిరిసిల్ల జిల్లాలలో ఒకటి రెండు చోట్ల భారీ నుంచి అతిభారీ వర్షాలు కురిసే అవ‌కాశం ఉన్న‌ట్లు తెలిపింది. సోమ‌వారం ఒకటి రెండు చోట్ల భారీవర్షాలు కురిసే అవకాశం ఉంద‌ని పేర్కొంది. మంగ‌ళ‌వారం చాలా చోట్లు తేలికపాటి నుంచి ఒక మోస్తరు వర్షాలు కురిసే ఛాన్స్ ఉంద‌ని వెల్ల‌డించింది. మ‌రోవైపు అల్ప‌పీడ‌న ప్ర‌భావంతో ఏపీలోని ప‌లు ప్రాంతాల్లో కూడా విస్తారంగా వ‌ర్షాలు ప‌డుతున్నాయి.

Also Read : ట్విట్ట‌ర్ మోత మోగిపోయింది : మ‌హేశ్ ఫ్యాన్స్ వ‌రల్డ్ రికార్డ్‌

Follow us on

Related Stories

Most Read Stories

Click on your DTH Provider to Add TV9 Telugu