టీవీ9 దేశానికి ఎంతో సేవ చేస్తుంది: ప్రధాని మోడీ

టీవీ9 ప్రతిష్టాత్మకంగా ప్రవేశపెట్టిన టీవీ9 భారత్‌వర్ష్ ఛానెల్‌ను ప్రారంభించారు పీఎం నరేంద్ర మోడీ. ఈ సందర్భంగా ఆయన మాట్లాడుతూ.. టీవీ9 సిబ్బందికి తన శుభాకాంక్షలు తెలియజేశారు. వార్తా ప్రపంచంలో టీవీ9 కొత్త ఒరవడి సృష్టించిందని పేర్కొన్నారు. టీవీ9 దేశానికి ఎంతో సేవ చేస్తోందని అన్నారు. అందరికీ నిర్ణయాధికారం ఇవ్వడం వల్లే.. మార్పు సాధ్యమైందని తెలిపారు. టీవీ9 హిందీ ఛానెల్ ప్రారంభించడం శుభపరిణామని అన్నారు. జాతీయ స్థాయిలో హిందీలో ప్రసారాలు చేయడం కొత్త అధ్యాయమని తెలిపారు. హైదరాబాద్‌లో ప్రారంభమైన టీవీ9.. ఇప్పుడు అన్ని రాష్ట్రాల్లో విస్తరించిందని పేర్కొన్నారు. ఈ ప్రయాణంలో టీవీ9 సక్సెస్ కావాలని కోరుకుంటున్నా అని ఆకాంక్షించారు ప్రధాని మోడీ.