70 మందికి పైగా మృతి, 3 వేలకు పైగా క్షతగాత్రులు..
లెబనాన్‌లో మంగళవారం నాడు భారీ పేలుడు సంభవించింది. ఈ ఘటనలో 73 మంది మృతి చెందగా.. మరో రెండున్నర వేల మందికి పైగా తీవ్రంగా గాయపడ్డారు. ఇంకా శిథిలాల కింద ఎంత మంది చిక్కుకున్నారన్నది..
లెబనాన్‌లో మంగళవారం నాడు భారీ పేలుడు సంభవించింది. ఈ ఘటనలో 73 మంది మృతి చెందగా.. మరో మూడు వేల మందికి పైగా తీవ్రంగా గాయపడ్డారు. ఇంకా శిథిలాల కింద ఎంత మంది చిక్కుకున్నారన్నది తెలియ రాలేదు. ఈ విషయాన్ని లెబనాన్‌ ప్రధాని హస్సన్‌ దియాబ్ తెలిపారు. దేశ రాజధాని బీరూట్‌లో ఈ భారీ పేలుడు సంభవించింది. పోర్ట్ ఏరియా సమీపంలోని ఓ ఫ్యాక్టరీలో సాయంత్రం రెండు భారీ పేలుళ్లు చోటుచేసుకున్నాయి. పేలుడు తీవ్రతకు సమీపంలోని ఇళ్లన్నీ నేలమట్టమయ్యాయి. ఎన్నో ఇళ్లు అగ్నికి ఆహుతయ్యాయి. కొన్ని కిలోమీటర్ల దూరం వరకు పేలుడు శబ్ధం వినిపించిందని సమాచారం. పేలుడు సంభవించిన అనంతంరం సమీప ప్రాంతంమంతా దట్టమైన పొగలతో కమ్మేసింది. కొన్ని జిల్లాలకు విద్యుత్ సరఫరా కూడా నిలిచిపోయింది. ఘటనకు బాధ్యులను వదిలిపెట్టేదే లేదని.. ఘటనలో చనిపోయిన కుటుంబాలకు తన సానుభూతిని ప్రకటిస్తున్నట్లు లెబనాన్‌ ప్రధాని తెలిపారు.
కాగా, మన దేశ ఎంబసీ అధికారులు అంతా క్షేమంగా ఉన్నట్లు ప్రకటించారు. అంతేకాదు.. ఎంబసీ స్టాఫ్ అంతా కూడా క్షేమంగా ఉన్నారని.. అయితే భారత ప్రజల కోసం హెల్ప్‌ లైన్‌ నంబర్‌ను ఏర్పాటు చేశామని తెలిపారు.
Read More :
మహారాష్ట్రలో తగ్గిన కేసులు.. పెరిగిన రికవరీలు
కొత్త మ్యాప్ అంటూ మన ప్రదేశాలతో.. పాక్‌ కన్నింగ్ వేషాలు
