వారెవ్వా.. షూ ఖరీదు రూ. 3 కోట్లు.. తెలిస్తే షాక్ అవుతారు..!

న్యూయార్క్‌లో ఓ అరుదైన ఘటన చోటుచేసుకుంది. ఎంత ఉన్నవారు అయినా.. అరుదైన వస్తువులను వేలంలో కొనడానికి ఇష్టపడతారు. ధర ఎంతైనా లెక్కచేయరు. 1972లో నైకీ తయారు చేసిన షూష్‌ని న్యూయార్క్‌లో వేలం వేశారు. ఈ వేలంలో నైకీ మాత్రమే కాదు.. అడిడాస్ నుంచి ఎయిర్ జోర్డన్ వరకూ అన్ని సంస్థలకు చెందిన 100 జతల షూస్‌ని వేలం వేశారు. ఇందులో 12 జతలు మాత్రమే చేతులతో తయారు చేసినవి ఉన్నాయి. 1972లో జరిగిన ఒలింపిక్ ట్రైయల్స్‌ కోసం వీటిని తయారు చేశారు. అయితే ఈ నైకీ వాఫెల్ రేసింగ్ ఫ్లాట్ మూన్ షూ దాదాపు 160,000 డాలర్లకు అమ్ముడుపోతాయని నిర్వాహకులు భావించారు. వీటిని నైకీ కో-ఫౌండర్ బిల్ బొవెర్‌మ్యాన్ డిజైన్ చేశారు. ఈ షూస్‌ని తయారు చేయడానికి బొవెర్‌మ్యాన్ వాఫెల్ ఇనుమును ఉపయోగించారని సోథెబే గ్లోబెల్ ఈ-కామర్స్ అధినేత తెలిపారు.

అయితే కెనెడాకు చెందిన ఇన్‌వెస్ట్‌మెంట్ ఫర్మ్ పీరేజ్ క్యాపిటల్ అధినేత మైల్స్ నాడల్ దానికి మూడు రేట్లు ఎక్కువగా అంటే అక్షరాలా 437,500 డాలర్లు పెట్టి కొనుగోలు చేశాడు. అయితే ఈ షూస్‌ని కొనుగోలు చేయడం తనకు ఎంతో థ్రిల్లింగ్‌గా ఉందని నాడల్ తెలిపాడు. దీంతో పాటు అతను మరో 99 అరుదైన షూలను కొనుగోలు చేశాడు. వాటన్నింటినీ టొరంటోలోని అటోమొబైల్ మ్యూజియంలో ప్రదర్శనలో పెడుతున్నట్లు చెప్పాడు. 2016లో జరిగిన ఓ వేలం పాటలో నాడల్ 1989లో తయారైన రెండు నైకీ షూ లను 50వేల డాలర్లు, 70 వేల డాలర్లు పెట్టి కొనుగోలు చేశాడు. 2017లో ఎయిర్ జోర్డన్‌కు చెందిన షూస్‌ను వేలంలో దక్కించుకున్న జోర్డన్.. అదే ఏడాది 1984లో మైఖేల్ జోర్డన్ ధరించిన షూస్‌ని 190,373 డాలర్లు వెచ్చించి దక్కించుకున్నాడు.