Honda Scooter: హోండా మోటార్స్ నుంచి కొత్త స్కూటర్.. ఆకర్షణీయంగా కనిపిస్తున్న న్యూవెర్షన్..

ప్రముఖ హోండా మోటార్ సైకిల్ అండ్ స్కూటర్స్ సంస్థ సరికొత్త స్పోర్ట్స్ స్కూటర్‏ను ఆవిష్కరించింది. గ్రాజియా స్కూటర్ స్పోర్ట్స్ వెర్షన్‏ను సోమవారం మార్కెట్లో విడుదల చేసింది. దీనిని బీఎస్ 6 ప్రమాణాలు గల 125 సీసీ ఇంజన్‏తో అందిస్తున్నారు. అంతేకాకుండా సైడ్ స్టాండ్ ఇండికేటర్, ఇంజన్ కటాఫ్ వంటి సరికొత్త ఫీచర్లతో దీనిని రూపొందించారు. ఇక ఆకర్షణీయమైన రంగులు, గ్రాఫిక్స్‏తో సరికొత్త రూపంతో ఈ కొత్త వెర్షన్ స్కూటర్ అందుబాటులోకి తీసుకువచ్చినట్లు ఆ కంపెనీ మేనేజింగ్ డైరెక్టర్ అత్సుషి ఒగాటా తెలిపారు. ప్రస్తుత కాలంలో యూత్ కోరుకుంటున్నట్లుగా సరికొత్తగా దీనిని తయారు చేసినట్లుగా తెలిపారు.