Election code: కోర్టు తీర్పు.. ఈసీ నిర్ణయం.. జగన్‌కు లైన్ క్లియర్!

ఏపీ ముఖ్యమంత్రి జగన్ ప్రతిష్టాత్మకంగా చేపట్టిన 25 లక్షల ఇళ్ళ పట్టాల పంపిణీకి గ్రీన్ సిగ్నల్ వచ్చేసిందా? ఒకవైపు సుప్రీంకోర్టు తీర్పు.. మరోవైపు రాష్ట్ర ఎన్నికల కమిషన్ నిర్ణయం వెరసి సీఎం జగన్ తలపెట్టిన ప్రాజెక్టు పట్టాలెక్కే పరిస్థితి కనిపిస్తోంది.

Election code: కోర్టు తీర్పు.. ఈసీ నిర్ణయం.. జగన్‌కు లైన్ క్లియర్!
Rajesh Sharma

|

Mar 18, 2020 | 6:59 PM

ఏపీ ముఖ్యమంత్రి జగన్ ప్రతిష్టాత్మకంగా చేపట్టిన 25 లక్షల ఇళ్ళ పట్టాల పంపిణీకి గ్రీన్ సిగ్నల్ వచ్చేసిందా? ఒకవైపు సుప్రీంకోర్టు తీర్పు.. మరోవైపు రాష్ట్ర ఎన్నికల కమిషన్ నిర్ణయం వెరసి సీఎం జగన్ తలపెట్టిన ప్రాజెక్టు పట్టాలెక్కే పరిస్థితి కనిపిస్తోంది. ఇక మిగిలింది వారం రోజులే కాబట్టి.. ఆలోగా ఏర్పాట్లను చేసేయాల్సిందిగా ఆదేశాలు ఇప్పటికే జారీ అయినట్లు తెలుస్తోంది.

ఏపీలో లోకల్ ఎన్నికలను వాయిదా వేసిన స్టేట్ ఎలెక్షన్ కమిషనర్.. ఎన్నికల కోడ్‌ని మాత్రం అలాగే కొనసాగించారు. వాయిదానే చెల్లదన్న వాదనతోపాటు.. ఒకవేళ వాయిదా వేస్తే మరి ఎన్నికల కోడ్ కొనసాగించడంలో మతలబేంటన్న సందేహాలతో సుప్రీంకోర్టు కెక్కిన జగన్ ప్రభుత్వానికి ఒక విషయంలో ఎదురు దెబ్బ తగిలినా కోడ్ విషయంలో మాత్రం వాదన నెగ్గించుకుంది. ఏపీలో ఎన్నికల కోడ్ ఎత్తి వేయాలన్న అత్యున్నత న్యాయస్థానం ఆదేశాలకు అనుగుణంగా నిర్ణయం తీసుకున్నారు స్టేట్ ఎలెక్షన్ కమిషనర్ రమేశ్ కుమార్. బుధవారం మధ్యాహ్నం తీర్పు రాగా.. సాయంత్రానికి రాష్ట్రంలో ఎన్నికల కోడ్‌ను ఎత్తివేశారాయన.

మార్చి ఏడవ తేదీ నుంచి అమల్లోకి వచ్చిన ఎన్నికల కోడ్‌ను సడలిస్తూ ఆదేశాలు జారీ చేశారు రాష్ట్ర ఎన్నికల కమిషనర్. దాంతో ప్రభుత్వ పథకాల అమలుకు గ్రీన్ సిగ్నల్ లభించినట్లయ్యింది. అయితే ఈ ఆదేశాలతో ఉగాది నాడు నిర్వహించనున్న ఇళ్ళ పట్టాల పంపిణీకి లైన్ క్లియర్ అయినట్లేనా? కొందరు ఎస్ అంటుంటే.. మరికొందరు సందేహాలు వ్యక్తం చేస్తున్నారు. ఎందుకంటే సుప్రీంకోర్టు పాత పథకాలను కొనసాగించవచ్చని మాత్రమే చెప్పింది. కొత్త పథకాలు వద్దని కూడా పేర్కొంది. మరి ఇళ్ళ పట్టాల పంపిణీ గతంలోనే ప్రకటించారు కాబట్టి పాత పథకం అనుకోవాలా? లేక ఇంకా ప్రారంభించలేదు కాబట్టి ఇప్పుడు ప్రారంభిస్తే కొత్త స్కీమ్ అవుతుందా? మరి సుప్రీంకోర్టు ఆదేశాల్లో ఏముంది? ఇదిప్పుడు ఏపీలో చర్చనీయాంశంగా మారింది.

లేటెస్ట్ న్యూస్ హైలెట్స్ చూడండి

Follow us on

Most Read Stories

Click on your DTH Provider to Add TV9 Telugu