విడాకులు కోరినందుకు లెబనాన్ లో తన భార్యను హతమార్చిన భర్త.. అరెస్టు చేసిన పోలీసులు
లెబనాన్ లో తన భార్యను ఆమె భర్తే గొంతు నులిమి హతమార్చాడు. తన నుంచి విడాకులు కోరినందుకు ఆమె మీద ఇలా ప్రతీకారం తీర్చుకున్నానని చెబుతున్నాడు..
లెబనాన్ లో తన భార్యను ఆమె భర్తే గొంతు నులిమి హతమార్చాడు. తన నుంచి విడాకులు కోరినందుకు ఆమె మీద ఇలా ప్రతీకారం తీర్చుకున్నానని చెబుతున్నాడు. మోడల్ అయిన జీనా కంజో అనే ఈ యువతికి, ఈమె భర్తకు మధ్య కొంతకాలంగా విభేదాలు తలెత్తాయి. తన భర్త తనను హింసిస్తున్నాడని జీనా నెల క్రితం పోలీసులకు ఫిర్యాదు చేసింది. వారు దీనిపై దర్యాప్తు మొదలు పెట్టగా ఆగ్రహించిన ఆ వ్యక్తి గత ఆదివారం ఆమెను హత్య చేశాడు. ఇతడిని ఇబ్రహీం గజల్ గా గుర్తించారు. భార్యను హతమార్చాక ఇతగాడు టర్కీకి పారిపోయాడు. అయితే అక్కడి పోలీసులు అతడిని అరెస్టు చేశారు. తన సోదరికి తన నేరం గురించి నిర్భయంగా ఇతడు చెబుతున్న ఓ ఆడియో క్లిప్ ని న్యూస్ ఛానల్ ఒకటి ప్రసారం చేసింది. గృహ హింస లెబనాన్ వంటి దేశాల్లోనూ సాగుతుందనడానికి ఈ మోడల్, ఈమె భర్తే నిదర్శనమని అంటున్నారు.
Also Read:
మాజీ మేయర్పై మంత్రి కేటీఆర్ ప్రశంసలు.. హైదరాబాద్ అభివృద్ధికి అద్భుతమైన కృషి అని ట్వీట్