Sanjay Dutt vs Jagapathi Babu: అధీరా వర్సెస్ రాజమన్నార్… సంజయ్ దత్కు పోటీగా జగపతి బాబు..
మంచి ప్రేమికుడుగా, ఆ తర్వాత మంచి మొగుడుగా... మంచి నాన్నగా కూడా సక్సెస్ అయ్యారు. ఆ విధంగా కంప్లీట్ ఫ్యామిలీ ప్యాక్డ్ ఆర్టిస్ట్ అనే క్రెడిట్ తెచ్చుకున్నారు.
Sanjay Dutt vs Jagapathi Babu: మంచి ప్రేమికుడుగా, ఆ తర్వాత మంచి మొగుడుగా… మంచి నాన్నగా కూడా సక్సెస్ అయ్యారు. ఆ విధంగా కంప్లీట్ ఫ్యామిలీ ప్యాక్డ్ ఆర్టిస్ట్ అనే క్రెడిట్ తెచ్చుకున్నారు. ఇవన్నీ ఒక ఎత్తయితే… కరడు గట్టిన విలన్గా వచ్చిన గుర్తింపు ఒక్కటీ ఒక ఎత్తు.ఆయన ఎవరోకాదు జగపతిబాబు. ఇక్కడితోనే ఆగలేదు.. రేపటిరోజున మరో సిక్సర్ కొట్టడానిక్కూడా రెడీ అంటున్నారు జగ్గుభాయ్. జగపతిబాబులోని ఆర్టిస్టుని ఇలా కూడా వాడుకోవచ్చా అని అప్పట్లో ఆడియన్స్ని మెస్మరైజ్ చేశారు అంతప్పురం డైరెక్టర్ క్రిష్ణవంశీ. ఆ ప్రయత్నాన్ని ఇంకాస్త నాటుగా మార్చి… కంప్లీట్ ఖల్నాయక్ వేషం కట్టి.. జగ్గూలో న్యూ వెర్షన్ని ఆవిష్కరించిన క్రెడిట్ బోయపాటిది.లెజెండ్ మూవీలో జీతేంద్రగా ఇచ్చిన పెర్ఫామెన్స్… జగ్గూభాయ్ని గతంలో కంటే బిజీగా మార్చేసింది. విలన్ క్యారెక్టర్ల కోసం ఎక్కడెక్కడో వెతకాల్సిన పని లేకుండా… స్టార్ డైరెక్టర్లంతా జగ్గు వైపే చూడ్డం మొదలుపెట్టారు. రంగస్థలంలో ఫణింద్ర భూపతి పాత్ర జగపతిలోని ది బెస్ట్ని ఇంట్రడ్యూస్ చేసింది. తర్వాత అరవింద సమేతలో గురూజీ డిజైన్ చేసిన బసిరెడ్డి పాత్రకు ప్రాణం పోశారు జగపతిబాబు. ఇలా… టోటల్ హార్డ్కోర్ కంటెంట్ని లోడేసి తమ సినిమాలకు ఆయన్నొక మంచి కమర్షియల్ ఎడ్వాంటేజ్గా మార్చుకున్నారు మన కెప్టెన్లు. అందుకే.. ప్రతీ క్యాలెండర్ ఇయర్లో బెస్ట్ సపోర్టింగ్ యాక్టర్ ఎవరంటే జగ్గూ పేరే వినిపిస్తోంది.
ఇప్పుడు కెజీఎఫ్ డైరెక్టర్ ప్రశాంత్ నీల్ వంతొచ్చింది. సలార్ మూవీలో డార్లింగ్ని ఢీకొట్టే రాజమనార్ పాత్రలో జగపతిబాబు లుక్… నేషనల్ లెవల్లో ట్రెండ్ అవుతోంది. కెజీఎఫ్2లో సంజయ్దత్ అధీరా లుక్ని మరిపిస్తోందట జగ్గు రాజమన్నార్ డెడ్లియస్ట్ లుక్. ఈసారి కొట్టే సిక్సర్తో జగ్గుకు ప్యాన్ ఇండియా విక్టరీ ఖాయమన్న క్లారిటీ దొరికేంది.
మరిన్ని ఇక్కడ చదవండి :