న్యూజిలాండ్ ఎన్నికల్లో ప్రధాని జసిండా ఘన విజయం

న్యూజిలాండ్ లో శనివారం జరిగిన సార్వత్రిక ఎన్నికల్లో ప్రధాని జసిండా  ఆర్డెన్ నేతృత్వంలోని లేబర్ పార్టీ ఘన విజయం సాధించింది. కోవిడ్-19 పై పోరులో జసిండా ప్రభుత్వం తిరుగులేని ‘విజయం’ సాధించడం ఈమెకు సునాయాస గెలుపును తెచ్చిపెట్టింది. మూడింట రెండు వంతుల ఓట్ల లెక్కింపులో లేబర్ పార్టీ 49.2 శాతం ఓట్లను చేజిక్కించుకోగలిగింది. 120 మంది సభ్యులతో కూడిన పార్లమెంటులో ఈ పార్టీకి సుమారు 64 సీట్లు కైవసమైనట్టే ! ఓట్ల లెక్కింపు ఇంకా పూర్తి కానప్పటికీ, ఓటమి తమదేనని ప్రతిపక్ష నేత జుడిత్ కొలిన్స్ అంగీకరించారు. ఫోన్ ద్వారా జసిండా ను అభినందిస్తూ… తాము ఓడిపోయినట్టేనన్నారు. జుడిత్ ఆధ్వర్యంలోని కన్సర్వేటివ్ నేషనలిస్ట్ పార్టీ దాదాపు 35 స్థానాలను మాత్రం దక్కించుకోవచ్చు. అటు-ఈ  ఓటింగ్ సరళిని జసిండా  ఆర్డెన్..’ది కోవిడ్ ఎలక్షన్’ గా అభివర్ణించారు.