రైలు కూతకు ‘ ప్రయివేటు వాత ‘ ! ఇక చార్జీల మోత ?

రైలు కూతకు ' ప్రయివేటు వాత ' ! ఇక చార్జీల మోత ?

రైల్వేల ప్రయివేటీకరణ దిశగా ప్రభుత్వం చర్యలు చేపడుతోంది. ఇందులో భాగంగా మొదట 150 రైళ్లు, 50 రైల్వే స్టేషన్లను ప్రయివేటు ఆపరేటర్లకు అప్పగిస్తే ఎలా ఉంటుందని యోచిస్తోంది. తొలుత వీటి కార్యకలాపాల బదలాయింపు కోసం ఓ బ్లూ ప్రింట్ ముసాయిదాను రూపొందించడానికి టాస్క్ ఫోర్స్ ను ఏర్పాటు చేయాలన్నది తాజా నిర్ణయం. నిర్దిష్ట కాలబధ్ధ వ్యవధిలో ఈ ప్రక్రియను మొదలుపెట్టేందుకు ఒక సాధికారిక కమిటీని ఏర్పాటు చేయనున్నట్టు నీతి ఆయోగ్ సీఈఓ అమితాబ్ కాంత్.. రైల్వే బోర్డు […]

Anil kumar poka

|

Oct 16, 2019 | 4:52 PM

రైల్వేల ప్రయివేటీకరణ దిశగా ప్రభుత్వం చర్యలు చేపడుతోంది. ఇందులో భాగంగా మొదట 150 రైళ్లు, 50 రైల్వే స్టేషన్లను ప్రయివేటు ఆపరేటర్లకు అప్పగిస్తే ఎలా ఉంటుందని యోచిస్తోంది. తొలుత వీటి కార్యకలాపాల బదలాయింపు కోసం ఓ బ్లూ ప్రింట్ ముసాయిదాను రూపొందించడానికి టాస్క్ ఫోర్స్ ను ఏర్పాటు చేయాలన్నది తాజా నిర్ణయం. నిర్దిష్ట కాలబధ్ధ వ్యవధిలో ఈ ప్రక్రియను మొదలుపెట్టేందుకు ఒక సాధికారిక కమిటీని ఏర్పాటు చేయనున్నట్టు నీతి ఆయోగ్ సీఈఓ అమితాబ్ కాంత్.. రైల్వే బోర్డు చైర్మన్ వి.కె.యాదవ్ కు రాసిన లేఖలో తెలిపారు. ఈ కమిటీలో తాను, యాదవ్ తో బాటు ఆర్ధిక వ్యవహారాల మంత్రిత్వ శాఖ కార్యదర్శి, హౌసింగ్ అర్బన్ ఎఫైర్స్ శాఖ కార్యదర్శి సభ్యులుగా ఉంటారని ఆయన పేర్కొన్నారు. కనీసం 50 రైల్వే స్టేషన్లను ప్రయివేటీకరించే విషయమై తాను రైల్వే మంత్రి పీయూష్ గోయెల్ తో మాట్లాడినట్టు ఆయన వెల్లడించారు. ప్యాసింజర్ ట్రైన్ ఆపరేషన్స్ కోసం ప్రయివేట్ ట్రైన్ ఆపరేటర్లను రంగంలోకి దించాలని రైల్వే మంత్రిత్వ శాఖ ప్రతిపాదించిందని కూడా ఆయన అన్నారు.

మొదటి దశలో 150 రైళ్లను ప్రయివేటీకరించే యోచన ఉంది. ఈ నెల 4 న లక్నో-ఢిల్లీ మధ్య నడిచే తేజాస్ ఎక్స్ ప్రెస్ ను నాన్-రైల్వే ఆపరేటర్ తో నడిపించడం ఇందులో భాగం.. అన్నారాయన. అయితే ప్రభుత్వ ప్రతిపాదనకు నిరసనగా ఆలిండియా రైల్వేమెన్ ఫెడరేషన్ నిరవధిక సమ్మెకు దిగాలని యోచిస్తోంది. సంఘ్ పరివార్ మద్దతునిస్తున్న భారతీయ మజ్దూర్ సంఘ్ వంటి వివిధ యూనియన్లు ఈ ప్రతిపాదనను సమర్థిస్తున్నాయి. 2013, 2016 సంవత్సరాల్లో రైల్వే ఉద్యోగులు సమ్మెకు వెళ్లారు. అయితే 45 ఏళ్ళ క్రితం.. 1974 లో నిరవధిక సమ్మె జరిగింది. రైల్వేని ప్రయివేటీకరిస్తే రైలు ప్రయాణికుల చార్జీలతో బాటు రవాణా చార్జీలు కూడా విపరీతంగా పెరుగుతాయని, శాశ్వత ఉద్యోగుల సంఖ్యను కూడా తగ్గిస్తారని ఆలిండియా సెంట్రల్ కౌన్సిల్ ఆఫ్ ట్రేడ్ యూనియన్స్ ప్రెసిడెంట్ సంతోష్ రాయ్ అంటున్నారు.

ఇప్పటికే 16 లక్షల శాశ్వత రైల్వే సిబ్బంది సంఖ్య 11 లక్షలకు తగ్గిపోయిన విషయాన్ని ఆయన గుర్తు చేశారు. కానీ.. దేశంలో అతి పెద్ద రవాణా వ్యవస్థ అయిన.. రైల్వేని ప్రయివేటీకరిస్తే పరిణామాలు దారుణంగా ఉంటాయని నిపుణులు అభిప్రాయపడుతున్నారు. ఈ శాఖకు పెద్దగా నష్టాలు లేవని, ఇంధన ధరలు పెరుగుతున్నదృష్ట్యా .. రైల్వే ప్రయివేటీకరణ తప్పదన్న ప్రభుత్వ వాదన అర్థ రహితమని వారు అంటున్నారు. పైగా పార్లమెంట్ లో.. రైల్వే బడ్జెట్ సమర్పణ సందర్భంలో ప్రభుత్వం ఎక్కడా ఈ అంశాన్ని ప్రస్తావించలేదని వారు పేర్కొన్నారు.

Follow us on

Related Stories

Most Read Stories

Click on your DTH Provider to Add TV9 Telugu