సౌత్ చైనా సీ కి భారత యుధ్ధ నౌక తరలింపు, డ్రాగన్ కంట్రీ ఆగ్రహం

సౌత్ చైనా సీ కి భారత్ తన యుధ్ధ నౌకను తరలించింది. ఉద్రిక్తతల నివారణకు రెండు దేశాల మధ్య చర్చలు జరుగుతున్న తరుణంలో ఈ చర్య తమకు సమ్మతం కాదని చైనా అభ్యంతరం వ్యక్తం చేసింది. ఈ సముద్ర ప్రాంతంలో ఇండియన్ నేవీ షిప్స్ ఉనికిని చైనా తీవ్రంగా వ్యతిరేకిస్తోంది. 2009 నుంచి ఇక్కడ ఆ దేశం కృత్రిమ ద్వీపాలను నిర్మించడం, సైన్యాన్ని మోహరించడంలో ‘బిజీ’ గా ఉంది. జూన్ 15 న గాల్వన్ లోయలో చైనా ఆక్రమణ, 20మంది భారత సైనికులు మరణించిన అనంతరం తాజాగా సౌత్ చైనా సముద్రంలోకి ఇండియన్ నేవీ యుధ్ధ నౌకను తరలించిందని ప్రభుత్వ వర్గాలు తెలిపాయి. అయితే ఈ సముద్ర జలాల్లో చాలాభాగం తమదేనని  పీపుల్స్ లిబరేషన్ ఆర్మీ ఆఫ్ చైనా అంటోంది. ఇక్కడ ఇతర నౌకల ఉనికిని ఆ  దేశం సహించడం లేదని ఈ వర్గాలు పేర్కొన్నాయి.

ఇదే సౌత్ చైనా సీలో అమెరికా కూడా తన యుధ్ధ నౌకలను మోహరించి ఉంచింది. ఆ దేశాధ్యక్షుడు ట్రంప్ సైతం ఇక్కడ చైనా అధిపత్యానికి చెక్ చెప్పాలని  యోచిస్తున్నారు.