రెండో ఇన్నింగ్స్: చేతులెత్తేసిన బ్యాట్స్మెన్.. నిప్పులు చెరిగిన కమ్మిన్స్, హాజిల్వుడ్!! ఆసీస్ టార్గెట్ 90..
అడిలైడ్ వేదికగా ఆస్ట్రేలియాతో జరుగుతున్న తొలి టెస్టు మూడో రోజు టీమిండియా పేలవ ఆటతీరును ప్రదర్శించింది. ఆసీస్ పేస్ బౌలర్ల ద్వయాన్ని...
India Vs Australia 2020: అడిలైడ్ వేదికగా ఆస్ట్రేలియాతో జరుగుతున్న తొలి టెస్టు మూడో రోజు టీమిండియా పేలవ ఆటతీరును ప్రదర్శించింది. ఆసీస్ పేస్ బౌలర్ల ద్వయాన్ని ఎదుర్కోవడంలో భారత్ బ్యాట్స్మెన్ పూర్తిగా తడబడ్డారు. ఆట మొదలైన రెండు గంటల్లోనే భారత్ రెండో ఇన్నింగ్స్ పూర్తి కావడం గమనార్హం.
టీమిండియా స్కోర్ 15 పరుగుల వద్ద తొలుత జస్ప్రీత్ బుమ్రా(2) ఔటవ్వగా, కాసేపటికే పుజారా(0), మయాంక్(9), విరాట్ కోహ్లీ(4), అజింక్య రహానె(0), అశ్విన్(0), సాహా(4), విహారి(8), ఇలా వరుసపెట్టి ఒక్కొక్కరు సింగిల్ డిజిట్స్కే పెవిలియన్కు క్యూ కట్టారు. ఇక 36/9 పరుగుల వద్ద షమీ గాయంతో రిటైర్డ్ హార్ట్గా వెనుదిరగడంతో భారత్ రెండో ఇన్నింగ్స్ ముగిసింది.
ప్రస్తుతం టీమిండియా 89 పరుగుల ఆధిక్యంలో ఉండగా.. ఆసీస్ తొలి టెస్ట్ గెలవాలంటే 90 పరుగులు చేయాల్సి ఉంది. తొలి ఇన్నింగ్స్లో అదరగొట్టి.. రెండో ఇన్నింగ్స్లో భారత్ బ్యాట్స్మెన్ చేతులెత్తేయడంతో ఇండియా ఫ్యాన్స్ పూర్తి షాక్లో ఉన్నారు. ఆసీస్ బౌలర్లలో కమిన్స్ నాలుగు, హాజిల్వుడ్ ఐదు వికెట్లు పడగొట్టి టీమిండియా పతనాన్ని శాసించారు.
India’s lowest Test total EVER.@samuelfez with the rapid recap at Adelaide Oval #AUSvIND https://t.co/gFQ6LqW460
— cricket.com.au (@cricketcomau) December 19, 2020