India Corona Cases: దేశంలో కొత్తగా 10,064 వైరస్ పాజిటివ్ కేసులు..యాక్టివ్ కేసులు, మరణాల వివరాలు ఇలా
దేశంలో కరోనా అదుపులోకి వచ్చింది. గత కొద్ది రోజులుగా కేసుల క్రమంగా తగ్గుతున్నాయి. కొత్తగా దేశవ్యాప్తంగా సోమవారం 7,09,791 నిర్ధారణ టెస్టులు చేయగా.. 10,064కి కరోనా సోకినట్లు తేలింది.
India Corona Cases: దేశంలో కరోనా అదుపులోకి వచ్చింది. గత కొద్ది రోజులుగా కేసుల క్రమంగా తగ్గుతున్నాయి. కొత్తగా దేశవ్యాప్తంగా సోమవారం 7,09,791 నిర్ధారణ టెస్టులు చేయగా.. 10,064కి కరోనా సోకినట్లు తేలింది. ఫలితంగా మొత్తం కేసుల సంఖ్య 1,05,81,837కు చేరింది. మరోవైపు సోమవారం ఒక్కరోజే 17,411 మంది కోవిడ్-19 నుంచి కోలుకున్నారు. మొత్తం రికవరీల సంఖ్య 1,02,28,753కు చేరింది. ప్రస్తుతం దేశవ్యాప్తంగా 2,00,528 యాక్టీవ్ కేసులున్నాయి. గత 24 గంటల్లో 137 మంది వైరస్ కారణంగా మరణించారు. ఇప్పటి వరకు మొత్తం మరణాల సంఖ్య 1,52,556కు చేరింది. మరణాల రేటు 1.44శాతంగా ఉంది.
మరోవైపు దేశవ్యాప్తంగా కరోనా వ్యాక్సినేషన్ ప్రక్రియ కొనసాగుతోంది. సోమవారం సాయంత్రం 5 గంటల వరకు 3,81,305 మందికి కరోనా వ్యాక్సిన్ వేసినట్లు కేంద్ర వైద్య-ఆరోగ్య శాఖ వెల్లడించింది. సోమవారం ఒక్కరోజే 25 రాష్ట్రాల్లో 1,48,266 మందికి టీకా వేసినట్లు వివరించింది.