India Corona Cases: దేశంలో కొత్తగా 14,256 కోవిడ్ కేసులు.. యాక్టివ్ కేసులు, మరణాల వివరాలు ఇలా

దేశంలో కోవిడ్-19‌ వ్యాప్తి అదుపులోనే ఉంది. శుక్రవారం 8,37,095 మందికి కొవిడ్ నిర్ధారణ టెస్టులు చేయగా.. 14,256 కొత్త కేసులు వెలుగుచూశాయి. ఫలితంగా మొత్తం కేసుల సంఖ్య

Corona-Virus-India

Updated on: Jan 23, 2021 | 10:35 AM

India Corona Cases: దేశంలో కోవిడ్-19‌ వ్యాప్తి అదుపులోనే ఉంది. శుక్రవారం 8,37,095 మందికి కొవిడ్ నిర్ధారణ టెస్టులు చేయగా.. 14,256 కొత్త కేసులు వెలుగుచూశాయి. ఫలితంగా మొత్తం కేసుల సంఖ్య 1,06,39,684కి చేరింది. వరసగా రెండు రోజులుగా సుమారు 14 వేల కేసులే నమోదవ్వడం కాస్త ఊరటనిచ్చే అంశం. ఎప్పటిలాగే రికవరీ కేసుల్లో పెరుగుదల, యాక్టీవ్ కేసుల విషయంలో కూడా తగ్గుదల కొనసాగుతోంది. శుక్రవారం 152 మంది ఈ వైరస్ కారణంగా ప్రాణాలు విడిచారు. దాంతో మొత్తం కరోనా మృతుల సంఖ్య 1,53,184కి చేరింది.

ప్రస్తుతం దేశవ్యాప్తంగా 1,85,662 యాక్టివ్ కేసులున్నట్లు ఆరోగ్య మంత్రిత్వ శాఖ శనివారం రిలీజ్ చేసిన బులిటెన్‌లో తెలిపింది. యాక్టివ్ కేసుల రేటు 1.78శాతానికి తగ్గినట్లు వివరించింది. శుక్రవారం ఒక్కరోజే 17,130 మంది వ్యాధి బారి నుంచి కోలుకోగా..మొత్తం రికవరీల సంఖ్య 1,03,00,838(96.78శాతం)కు చేరింది. మరోవైపు దేశవ్యాప్తంగా కరోనా వైరస్ నివారణ కోసం వ్యాక్సినేషన్ ప్రారంభమైంది. తొలి దశలో హెల్త్ కేర్ వర్కర్లు కోవాక్సిన్, కోవిషీల్డ్ వ్యాక్సిన్లు తీసుకుంటున్నారు. త్వరలో ప్రజలకు సైతం వ్యాక్సిన్ వేసే ప్రక్రియ ప్రారంభం కానుంది.