ఆ మీడియా టైకూన్ చేతులకు సంకెళ్లు వేసి, చైనా అక్కసు

ఆ మీడియా టైకూన్ చేతులకు సంకెళ్లు వేసి, చైనా అక్కసు

హాంకాంగ్ లో మీడియా టైకూన్ జిమ్మీ లై చేతులను వెనక్కి విరిచికట్టి..సంకెళ్లు వేసి మరీ చైనా పోలీసులు ఆయనను అరెస్టు చేశారు. పైగా ఆయన కార్యాలయంలోనే..

Umakanth Rao

| Edited By: Pardhasaradhi Peri

Aug 10, 2020 | 3:26 PM

హాంకాంగ్ లో మీడియా టైకూన్ జిమ్మీ లై చేతులను వెనక్కి విరిచికట్టి..సంకెళ్లు వేసి మరీ చైనా పోలీసులు ఆయనను అరెస్టు చేశారు. పైగా ఆయన కార్యాలయంలోనే ఆయనను కలయ దిప్పారు. సోమవారం జిమ్మీ కార్యాలయంపై దాడి చేసిన అధికారులు ఈయనతో బాటు ఏడుగురిని అదుపులోకి తీసుకున్నారు. అరెస్టయిన వారిలో జిమ్మీ కొడుకులు ఇద్దరు  కూడా ఉన్నారు. జిమ్మీ విదేశీ శక్తులతో చేతులు కలుపుతున్నారని, తన డిజిటల్ పబ్లిషింగ్ గ్రూప్ లో ఫ్రాడ్ కు పాల్పడ్డారని, ఇవి తీవ్రమైన నేరాలని చైనా ఆరోపిస్తోంది. హాంకాంగ్ లో తాము తెచ్చిన చట్టం కింద..తమను వ్యతిరేకించేవారిపై..ముఖ్యంగా ఓ మీడియా మొఘల్ పై డ్రాగన్ చేపట్టిన తొలి పోలీస్ ఆపరేషన్ ఇది !

ఈ మీడియా అధిపతి నిర్వహిస్తున్న ‘యాపిల్’ కార్యాలయంపై సుమారు 200 మంది చైనా అధికారులు, పోలీసులు దాడి చేశారు. ఉద్యోగులందరినీ వరుసగా నిలబెట్టి వారి ఐడెంటిటీలను తీసుకున్నారు. తమకు కోర్టు వారంట్ ఉందని, తనిఖీలు చేస్తున్నామని వారు చెప్పారు. కొత్త చట్టం కింద జిమ్మీకి యావజ్జీవ ఖైదు కూడా విధించే అవకాశం ఉంది.

Follow us on

Most Read Stories

Click on your DTH Provider to Add TV9 Telugu