తెలంగాణ అలెర్ట్ : ఈ 15 జిల్లాల‌కు భారీ వ‌ర్ష సూచ‌న‌

బంగాళాఖాతంలో అల్పపీడన ఎఫెక్ట్‌తో ఉభ‌య తెలుగు రాష్ట్రాల్లో భారీ వ‌ర్షాలు ప‌డుతున్నాయి. ఈశాన్య మధ్యప్రదేశ్, దానిని ఆనుకుని ఉన్న ఉత్తర చత్తీస్‌గఢ్, ఆగ్నేయ ఉత్తరప్రదేశ్ ప్రాంతాలలో అల్పపీడనం కొనసాగుతోంది.

  • Ram Naramaneni
  • Publish Date - 7:17 am, Tue, 18 August 20
తెలంగాణ అలెర్ట్ : ఈ 15 జిల్లాల‌కు భారీ వ‌ర్ష సూచ‌న‌

బంగాళాఖాతంలో అల్పపీడన ఎఫెక్ట్‌తో ఉభ‌య తెలుగు రాష్ట్రాల్లో భారీ వ‌ర్షాలు ప‌డుతున్నాయి. ఈశాన్య మధ్యప్రదేశ్, దానిని ఆనుకుని ఉన్న ఉత్తర చత్తీస్‌గఢ్, ఆగ్నేయ ఉత్తరప్రదేశ్ ప్రాంతాలలో అల్పపీడనం కొనసాగుతోంది. దీనికి తోడు 5.8 కి.మీ ఎత్తున‌ ఉపరితల ఆవర్తనం ఏర్పడింది. భారీ వ‌ర్షాల‌కు ఇప్ప‌టికే వాగులు, వంక‌లు పొంగి పొర్లుతున్నాయి. ప‌లు గ్రామాల మధ్య రాక‌పోక‌లు నిలిచిపోయాయి.

ఉత్తర బంగాళాఖాతం ప్రాంతంలో ఈ నెల 19(బుధ‌వారం) నాటికి మరో అల్పపీడనం ఏర్పడే ఛాన్స్ ఉంద‌ని హైదరాబాద్‌ వాతావరణ కేంద్రం అధికారి రాజారావు వెల్ల‌డించారు. మంగళవారం తెలంగాణ వ్యాప్తంగా ప‌లు చోట్లు ఉరుములు, మెరుపులతో కూడిన తేలికపాటి నుంచి ఓ మోస్తరు వర్షాలు కురుస్తాయని చెప్పారు. 15 జిల్లాల్లో అతి భారీ వ‌ర్షాలు న‌మోద‌య్యే అవ‌కాశం ఉన్న‌ట్లు తెలిపారు.

ఆ 15 జిల్లాలు ఇవే :

ఆదిలాబాద్‌
నిర్మల్‌
కుమ్రంభీం ఆసిఫాబాద్‌
మంచిర్యాల
నిజామాబాద్‌
కామారెడ్డి
జగిత్యాల
రాజన్న సిరిసిల్ల
పెద్దపల్లి
కరీంనగర్‌
జయశంకర్‌ భూపాలపల్లి
ములుగు
వరంగల్‌రూరల్‌
వరంగల్ అర్బన్‌
రంగారెడ్డి

 

Also Read : ధోనీకి ఇంటికి చేరిన అరుదైన గిఫ్ట్..