శ్రీవారి లడ్డూ ప్రసాదానికి ఊహించని డిమాండ్.. 3 గంటల్లో 2.4 లక్షలు విక్రయం
తిరుమల వెంకన్న లడ్డూ ప్రసాదాన్ని తిరుమల తిరుపతి దేవస్థానం గుంటూరు మినహా 12 జిల్లాల్లో అందుబాటులోకి అందుబాటులోకి తెచ్చిన విషయం తెలిసిందే. గుంటూరులోని టీటీడీ కల్యాణ మండపం రెడ్జోన్ లిమిట్స్ లో ఉన్నందున లడ్డూల విక్రయానికి పోలీసులు పర్మిషన్ ఇవ్వలేదు. దీంతో స్వామివారి లడ్డూల కోసం అక్కడికి వచ్చిన భక్తులు వెనుదిరగాల్సి వచ్చింది. కాగా ఈ నెల 30వ తేదీ నుంచి గుంటూరులో సైతం లడ్డూలను అమ్మేందుకు టీటీడీ ప్రణాళికలు రచిస్తోంది.అయితే శ్రీవారి లడ్డూ ప్రసాదానికి ఊహించని […]
తిరుమల వెంకన్న లడ్డూ ప్రసాదాన్ని తిరుమల తిరుపతి దేవస్థానం గుంటూరు మినహా 12 జిల్లాల్లో అందుబాటులోకి అందుబాటులోకి తెచ్చిన విషయం తెలిసిందే. గుంటూరులోని టీటీడీ కల్యాణ మండపం రెడ్జోన్ లిమిట్స్ లో ఉన్నందున లడ్డూల విక్రయానికి పోలీసులు పర్మిషన్ ఇవ్వలేదు. దీంతో స్వామివారి లడ్డూల కోసం అక్కడికి వచ్చిన భక్తులు వెనుదిరగాల్సి వచ్చింది. కాగా ఈ నెల 30వ తేదీ నుంచి గుంటూరులో సైతం లడ్డూలను అమ్మేందుకు టీటీడీ ప్రణాళికలు రచిస్తోంది.అయితే శ్రీవారి లడ్డూ ప్రసాదానికి ఊహించని ఆర్డర్స్ వస్తున్నాయి. సోమవారం కేవలం 3 గంటల్లోనే 2.4 లక్షల లడ్డూలు విక్రయించింది టీటీడీ. మంగళవారం మరో 2 లక్షల లడ్డూలను జిల్లా కేంద్రాలకు తరలించనున్నారు. లడ్డూలు తమ ప్రాంతాలలో కూడా విక్రయించాలని తమిళనాడు, తెలంగాణ భక్తుల కూడా కోరుతున్నారు. దీంతో ప్రతి రోజు తమిళనాడుకు లక్ష, తెలంగాణకు 50 వేల చొప్పున లడ్డూలు తరలించేందుకు తిరుమల తిరుపతి దేవస్థానం సమాలోచనలు చేస్తోంది.
లడ్డూ ప్రసాదానికి సంబంధించిన ఇన్ఫర్మేషన్ కోసం టీటీడీ.. కాల్ సెంటర్ టోల్ ఫ్రీ నంబర్లు 18004254141 లేదా 1800425333333కు ఫోన్ చేసి వివరాలు తెలుసుకోవచ్చు. 1,000కి పైగా లడ్డూలు కొనుగోలు చేయాలనుకున్న భక్తులు తమ పూర్తి వివరాలను 5 రోజుల ముందుగా tmlbulkladdus@gmail.com మెయిల్ ఐడీకి పంపాల్సి ఉంటుంది.