కరీంనగర్లో భారీ అగ్ని ప్రమాదం
కరీంనగర్లో భారీ అగ్నిప్రమాదం చోటు చేసుకుంది. ఎన్పీడీసీఎల్ కార్యాలయం సమీపంలోని ఎలక్ట్రిసిటీ స్టోర్ లో మంటలు చెలరేగాయి. అగ్నిమాపక సిబ్బంది సకాలంలో అక్కడికి చేరుకొని ఎగిసిపడుతున్న మంటలను అదుపులోకి తీసుకొచ్చారు...
Fire Accident at Karamnagar : కరీంనగర్లో భారీ అగ్నిప్రమాదం చోటు చేసుకుంది. ఎన్పీడీసీఎల్ కార్యాలయం (NPDCL office) సమీపంలోని ఎలక్ట్రిసిటీ స్టోర్ లో మంటలు చెలరేగాయి. పదుల సంఖ్యలో ఉన్న కొత్త ట్రాన్స్ఫార్మార్లు అగ్నికి కాలిపోయాయి. అగ్నిమాపక సిబ్బంది సకాలంలో అక్కడికి చేరుకొని ఎగిసిపడుతున్న మంటలను అదుపులోకి తీసుకొచ్చారు. అయితే అప్పటికే జరగాల్సిన నష్టం జరిగిపోయింది. అగ్నిప్రమాదానికి గల కారణాలు ఇంకా తెలియరాలేదు. షార్ట్ సర్క్యూట్తో మంటలు చెలరేగినట్లు భావిస్తున్నారు.
అగ్ని ప్రమాదం జరిగిన సంఘటన స్థలాన్ని మంత్రి గంగుల కమలాకర్, కలెక్టర్ శశాంక, సిపి కమలాసన్ రెడ్డి సందర్శించారు. ప్రమాదం ఎలా జరిగిందన్న విషయంపై ఆరా తీశారు. ఎలక్ట్రిసిటీ స్టోర్ రూమ్ ప్రక్కనే ఉన్న విద్యుత్ వైర్లు తగిలి షార్ట్ సర్క్యూట్ తో మంటలు చెలరేగినట్లు విద్యుత్ శాఖ అధికారులు తెలిపారు. ప్రమాదానికి గల కారణాలపై విచారణకు ఆదేశించారు. ఈ ఘటనలో ఎవరికి ఎలాంటి గాయాలు కాకపోవడంతో అంతా ఊపిరి పీల్చుకున్నారు. విద్యుత్ లైన్లో షార్ట్ సర్క్యూట్తో ఈ ప్రమాదం జరిగివుండవచ్చని అనుమానిస్తున్నారు. ఈ ఘటనలో పలు ట్రాన్స్ఫార్మర్లు మంటల్లో కాలిపోయాయి.