ప్రపంచంలో అంత్యంత శక్తివంతమైన మహిళల జాబితాలో కేంద్ర మంత్రి.. అగ్రస్థానంలో కొనసాగుతున్న జర్మన్ ఛాన్స్లర్
ప్రపంచంలో అంత్యంత శక్తివంతమైన 100 మంది మహిళల జాబితాలో కేంద్ర మంత్రి నిర్మలా సీతారామన్ చోటు దక్కించుకున్నారు. ప్రపంచంలో అత్యంత శక్తివంతమై మహిళల జాబితాను ఫోర్బ్స్ ప్రకటించింది.
Powerful Women : ప్రపంచంలో అంత్యంత శక్తివంతమైన 100 మంది మహిళల జాబితాలో కేంద్ర మంత్రి నిర్మలా సీతారామన్ చోటు దక్కించుకున్నారు. ఈ శక్తివంతమై మహిళల జాబితాను తాజాగా ఫోర్బ్స్ పత్రిక ప్రకటించింది. ఇందులో మొదటి ర్యాంకును ఏంజేలా మెర్కెల్ కైవసం చేసుకోగా.. ఇక అమెరికా ఉపాధ్యక్ష పదవికి ఎన్నికైన భారత సంతతికి చెందిన కమలా హారీస్ 3వ స్థానంలో నిలిచారు.
శక్తిమంతమైన మహిళల జాబితాలో అనూహ్యంగా చోటు సంపాదించారు ఇటీవల అమెరికా ఉపాధ్యక్ష పదవికి ఎన్నికైన భారత సంతతికి చెందిన కమలా హారీస్. ఇప్పటి వరకూ ఒక్కసారీ కూడా టాప్ 100లో లేని హారిస్ ఈ సారి మాత్రం మూడో స్థానాన్ని కైవసం చేసుకోవడం విశేషం.
వరుసగా పదేళ్ల నుంచి మొదటి స్థానంలో నిలుస్తూ వచ్చిన జర్మన్ ఛాన్స్లర్ ఏంజెలా మెర్కెల్.. ఈ సారి కూడా అగ్రస్థానంలో నిలిచారు. యూరోపియన్ సెంట్రల్ బ్యాంక్ చీఫ్ క్రిస్టినా లగార్డ్ వరుసగా రెండో ఏడాది ద్వితీయ స్థానం కైవసం చేసుకున్నట్లు ఫోర్బ్స్ తెలిపింది.
ఫోర్బ్స్ ప్రకటించిన లిస్టులో 41వ స్థానంలో నిలిచారు కేంద్ర ఆర్థిక మంత్రి నిర్మలా సీతారామన్. హెచ్సీఎల్ కార్పొరేషన్ సీఈఓ రోష్నీ నాడార్ మల్హోత్రా 55వ స్థానంలో నిలవగా.. బయోకాన్ ఛైర్పర్సన్ కిరణ్ మజుందార్ షా 68వ ర్యాంకు దక్కించుకున్నారు. లాండ్మార్క్ సంస్థల ఛైర్ఉమన్ రేణుకా జగ్తియాని 98వ స్థానంతో సరిపెట్టుకున్నారు.