Aha Dirty Hari In Theaters: ‘ఆహా’లో అదరగొట్టిన చిత్రం థియేటర్లోకి రానుంది.. ఇలా.. తొలి సినిమా ఇదే..
Dirty Hari Releasing In Theaters: 'ఆహా' ఓటీటీ వేదికగా విడుదలైన 'డర్టీ హరి' చిత్రం ఎంతటి సంచలన విజయం సాధించిందో ప్రత్యేకంగా చెప్పాల్సిన అవసరం లేదు.
Dirty Hari Releasing In Theaters: ‘ఆహా’ ఓటీటీ వేదికగా విడుదలైన ‘డర్టీ హరి’ చిత్రం ఎంతటి సంచలన విజయం సాధించిందో ప్రత్యేకంగా చెప్పాల్సిన అవసరం లేదు. ఈ సినిమాకు మౌత్ టాక్తోనే భారీ పబ్లిసిటీ వచ్చేసింది. ఇక పలువురు సెలబ్రిటీలు సైతం ఈ సినిమాపై ప్రశంసల వర్షం కురిపించడంతో ఈ చిత్రానికి ఎక్కడలేని క్రేజ్ వచ్చింది.
ఇదిలా ఉంటే ఓటీటీలో సంచలనం సృష్టించిన ఈ చిత్రాన్ని ఇప్పుడు థియేటర్లలోకి తీసుకురానున్నారు. సినిమా మంచి టాక్ సొంతం చేసుకోవడంతో థియేటర్లలో విడుదల చేయడానికి చిత్ర యూనిట్ సన్నాహాలు చేస్తోంది. సంక్రాంతి కానుకగా జనవరి 8న ఈ సినిమాను థియేటర్లలో విడుదల చేయనున్నారు. సాధరణంగా సినిమాలు థియేటర్లలో విడుదలైన కొన్ని రోజులకు ఓటీటీ వేదికల్లోకి వస్తాయి. కానీ ‘డర్టీ హరి’ మాత్రం దీనికి భిన్నంగా.. ఓటీటీలో విడుదలయ్యాక థియేటర్లలోకి వెళుతోంది. ఇలా ఓటీటీ తర్వాత థియేటర్లలో విడుదలకానున్న తొలి చిత్రంగా డర్టీ హరి సరికొత్త సంప్రదాయానికి నాంది పలికిందని చెప్పాలి. నిర్మాత ఎమ్.ఎస్ రాజు దర్శకత్వం వహించిన ఈ సినిమాలో శ్రవణ్ రెడ్డి – రుహానీ శర్మ – సిమ్రత్ కౌర్ ప్రధాన పాత్రల్లో నటించారు. ఓటీటీలో అదరగొట్టిన ఈ సినిమా వెండితెరపై ఎంత వరకు అలరిస్తుందో చూడాలి.