COVID Vaccine: 80 శాతం వ్యాక్సిన్లు ఆ దేశాల్లోనే..ఇంకా చాలా దేశాల్లో ప్రారంభం కాని వ్యాక్సినేషన్..డబ్ల్యూహెచ్‌వో ఆందోళన

COVID Vaccine: కరోనా పై యుద్ధానికి బ్రహ్మాస్త్రం వ్యాక్సిన్. ప్రపంచ వ్యాప్తంగా వ్యాక్సిన్ ప్రజలకు అందిస్తేనే కరోనా ను పారదోలే అవకాశం ఉంది. ప్రస్తుతం ప్రపంచంలోని చాలా దేశాలు కరోనా టీకా కొరతతో ఇబ్బందులు ఎదుర్కుంటున్నాయి.

  • Updated On - 10:47 pm, Tue, 11 May 21
COVID Vaccine: 80 శాతం వ్యాక్సిన్లు ఆ దేశాల్లోనే..ఇంకా చాలా దేశాల్లో ప్రారంభం కాని వ్యాక్సినేషన్..డబ్ల్యూహెచ్‌వో ఆందోళన
Covid Vaccine

COVID Vaccine: కరోనా పై యుద్ధానికి బ్రహ్మాస్త్రం వ్యాక్సిన్. ప్రపంచ వ్యాప్తంగా వ్యాక్సిన్ ప్రజలకు అందిస్తేనే కరోనా ను పారదోలే అవకాశం ఉంది. ప్రస్తుతం ప్రపంచంలోని చాలా దేశాలు కరోనా టీకా కొరతతో ఇబ్బందులు ఎదుర్కుంటున్నాయి. ఈ నేపధ్యంలో ప్రపంచ ఆరోగ్య సంస్థ కూడా ప్రస్తుత పరిస్థితిపై ఆందోళన వ్యక్తం చేస్తోంది. ప్రపంచమంతా కోవిడ్ టీకా అందుబాటులోకి వచ్చినా.. అన్నిదేశాలకూ సమానంగా అందడం లేదని ఆందోళన వ్యక్తం చేస్తోంది ప్రపంచ ఆరోగ్య సంస్థ. ఈ అసమానత వల్ల పేద దేశాలు తీవ ఇబ్బందులు ఎదుర్కునే అవకాశం ఉందని అంటోంది. మొదటి నుంచీ ఈ విషయంలో డబ్ల్యూహెచ్‌ఓ ఇదే చెబుతోంది. ధనిక ఆదాయ దేశాలు కరోన వ్యాక్సిన్ అందించడంలో ముందు వరుసలో ఉన్నాయనీ.. పేద దేశాలకు టీకా అందడం మరింత ఆలస్యం అయ్యేలా ఉందనీ చెబుతూ వస్తోంది. దీనిపై గతంలో ఆందోళన వ్యక్తం చేసింది కూడా.

డబ్ల్యూహెచ్‌ఓ లెక్కల ప్రకారం ప్రపంచంలో 53శాతం జనాభా ధనిక, ఎగువ మధ్య ఆదాయ దేశాల్లో ఉన్నారు. కానీ, ఆయా దేశాల కరోనా వ్యాక్సిన్‌ వాటా మాత్రం 83శాతం. కానీ, 47శాతం జనాభా ఉన్న అల్ప ఆదాయ దేశాలు మాత్రం కేవలం 17శాతం వ్యాక్సిన్‌ వాటాను కలిగి ఉన్నాయి. ఈ విషయాన్ని అని ప్రపంచ ఆరోగ్య సంస్థ డైరెక్టర్‌ జనరల్‌ టెడ్రోస్‌ అధోనామ్‌ గెబ్రెయేసస్‌ వెల్లడించారు. అన్నిదేశాలకూ వ్యాక్సిన్ అందేలా ధనిక దేశాలు ప్రయత్నించాలని ఆయన కోరారు.

కరోనా వ్యాక్సిన్‌(COVID Vaccine) పంపిణీలో అధిక ఆదాయ దేశాలు ముందున్న నేపథ్యంలో ఆఫ్రికా వంటి ఖండంలో ఇంకా వ్యాక్సిన్‌ ముఖం చూడని దేశాలున్నాయి. డబ్ల్యూహెచ్‌ఓ నివేదిక ప్రకారం, ప్రపంచ వ్యాప్తంగా దాదాపు డజనుకు పైగా దేశాల్లో ఇప్పటికీ కరోనా వ్యాక్సిన్‌ అందుబాటులోకి రాలేదు. వీటిని అధిగమించేందుకు డబ్ల్యూహెచ్‌ఓ ఆధ్వర్యంలో ఏర్పడిన ‘కొవాక్స్‌’ ద్వారా వ్యాక్సిన్‌ అందించాలని ప్రయత్నాలు చేస్తున్నప్పటికీ ఉత్పత్తి సామర్థ్యం తక్కువగా ఉన్నందున చాలా దేశాలకు సరిపడా వ్యాక్సిన్‌ అందడం లేదు. ముందస్తుగా ఆర్డరు చేసుకోవడంతోనే ధనిక దేశాలు వ్యాక్సిన్‌ సమీకరణలో ముందున్నట్లు నిపుణులు అభిప్రాయపడుతున్నారు. ఇక ప్రపంచంలోనే వ్యాక్సిన్‌ కేంద్రంగా ఉన్న భారత్‌లోనే టీకా కొరత ఏర్పడిన విషయం తెలిసిందే. ఈ నేపధ్యంలో డబ్ల్యూహెచ్‌వో ధనిక దేశాలను పేద దేశాల గురించి కూడా ఆలోచించాలని కోరుతోంది. ధనిక దేశాలు ఈ విషయంలో చొరవ తీసుకోవాల్సిన అవసరం ఉందని డబ్ల్యూహెచ్‌వో మరోమారు చెప్పింది.

Also Read: Vaccination: మహిళకు ఒకేసారి ఆరుడోసుల కరోనా వ్యాక్సిన్.. ఆరోగ్యకార్యకర్త పొరపాటుతో ఘటన..ఎలా జరిగింది అంటే..

Vaccination: అమెరికాలో 12-15 సంవత్సరాల మధ్య వయసు పిల్లలకు టీకా ఇవ్వడానికి రంగం సిద్ధం