Vaccine Dry Run : దేశవ్యాప్తంగా శుక్రవారం రెండోసారి వ్యాక్సిన్‌ డ్రై రన్.. నకిలీ కోవిన్‌ యాప్‌లపై కేంద్రం ఫోకస్
వ్యాక్సినేషన్‌ ప్రక్రియను మరింత వేగవంతం చేసింది కేంద్రం. వచ్చే శుక్రవారం దేశవ్యాప్తంగా రెండోసారి వ్యాక్సిన్‌ డ్రైరన్‌ను నిర్వహిస్తోంది కేంద్రం. అన్ని జిల్లాల్లో డ్రైరన్‌ నిర్వహిస్తారు. వ్యాక్సిన్‌ పంపిణీపై ...
Vaccine Dry Run : దేశవ్యాప్తంగా శుక్రవారం రెండోసారి వ్యాక్సిన్‌ డ్రైరన్‌ను నిర్వహిస్తోంది కేంద్రం. దేశం లోని అన్ని జిల్లాల్లో వ్యాక్సిన్‌ డ్రైరన్‌ కోసం ఏర్పాట్లు చేస్తున్నారు. వ్యాక్సిన్‌ పంపిణీలో లోపాలను గుర్తించేందుకు ఈ డ్రైరన్‌ నిర్వహిస్తున్నారు. కోవిన్‌ సాఫ్ట్‌వేర్‌ పనితీరును డ్రైరన్‌ సందర్భంగా మరోసారి పరిశీలిస్తారు. భారత్‌లో 10 రోజుల్లో వ్యాక్సినేషన్‌ ప్రక్రియ ప్రారంభమవుతుందని కేంద్ర ఆరోగ్యశాఖ ఇప్పటికే ప్రకటించింది.
అయితే వ్యాక్సినేషన్‌ ప్రారంభమవుతున్న సమయంలో నకిలీ కోవిన్‌ యాప్‌లను కేంద్రం గుర్తించింది. నకిలీ కోవిన్‌ యాప్‌లను డౌన్‌లోడ్‌ చేసుకోవద్దని కేంద్రం సూచించింది. వ్యాక్సిన్‌ పేరుతో మోసాలకు పాల్పడే అవకాశం ఉందని హెచ్చరించింది. ప్రభుత్వం తెచ్చే యాప్‌లపై విస్తృతంగా ప్రచారం చేస్తామని కేంద్రం తెలిపింది. జనవరి 13వ తేదీ నుంచి వ్యాక్సినేషన్‌కు ఏర్పాట్లు జరగుతున్నాయి.
భారత్‌లో ఇప్పటికే సీరం ఇనిస్టిట్యూట్‌ తయారు చేసిన కోవిషీల్డ్‌ , భారత్‌ బయోటెక్‌ తయారు చేసిన కోవాగ్జిన్‌ టీకాలకు అనుమతి లభించింది. వ్యాక్సిన్‌ పంపిణీపై చర్చించేందుకు గురువారం అన్ని రాష్ట్రాల ఆరోగ్యశాఖ మంత్రులతో వీడియో కాన్ఫరెన్స్‌ ఏర్పాటు చేశారు కేంద్ర ఆరోగ్యశాఖ మంత్రి హర్షవర్ధన్‌.. తొలిదశలో మూడు కోట్ల మందికి వ్యాక్సిన్‌ ఇచ్చేందుకు ఏర్పాట్లు చేశారు.
దేశంలో వ్యాక్సిన్‌ పంపిణీపై కేంద్ర కేబినెట్‌ కూడా చర్చించింది. వ్యాక్సిన్‌ పంపిణీ కోసం లక్షా 70 వేల మంది వ్యాక్సినేటర్లు, మూడు లక్షల మంది వ్యాక్సినేషన్‌ టీమ్‌ మెంబర్లకు ఇప్పటికే శిక్షణ ఇచ్చారు. ప్రపంచంలో కరోనా వ్యాక్సిన్‌ తయారీలో ఆక్స్‌ఫర్డ్‌ టీకాను తయారు చేస్తున్న ఆస్ట్రాజెనికా నెంబర్‌వన్‌. భారత్‌లో ఈ కంపెనీ తయారు చేస్తున్న కోవిషీల్డ్‌ టీకాకు సీరం ఇనిస్టిట్యూట్‌ తయారు చేస్తోంది.
ఇవి కూడా చదవండి :
డేంజర్‌ బెల్స్‌ మోగిస్తున్న నెల్లూరు జిల్లా వరప్రదయాని.. వరద ప్రవాహంతో మారిన సోమశిల రూపురేఖలు
Mamata meets Governor : గవర్నర్‌తో బెంగాల్ సీఎం దీదీ సమావేశం.. ఈ ఇద్దరి భేటీపై రాజకీయ వర్గాల్లో చర్చ
