Covishield: కరోనా టీకాపై కేంద్రం కీలక నిర్ణయం.. కొవిషీల్డ్ వ్యాక్సిన్ వ్యవధి తగ్గింపు

కొవిషీల్డ్ (Covishield) మొదటి డోస్ టీకా తీసుకున్న 8-16 వారాల మధ్యలో రెండో డోస్ వ్యాక్సిన్ ఇవ్వొచ్చని నేషనల్‌ టెక్నికల్‌ అడ్వైజరీ గ్రూప్‌ ఆన్‌ ఇమ్యూనైజేషన్‌ (NTAGI) వెల్లడించింది. అంతకుముందు రెండు డోసుల మధ్య వ్యవధిని 12-16 వారాలుగా కేంద్రం నిర్ణయించగా.. ప్రస్తుతం ఆ వ్యవధిని తగ్గిస్తూ కేంద్రం నిర్ణయం తీసుకుంది. వివిధ దేశాల్లో కొవిడ్ కేసుల (Covid Cases) పెరుగుదలతో రాష్ట్ర ప్రభుత్వాలు అప్రమత్తంగా ఉండాలని హెచ్చరికలు కూడా జారీ చేసింది. ప్రపంచ దేశాల నుంచి సేకరించిన సమాచారం ఆధారంగానే ఈ ప్రతిపాదన చేసినట్లు అధికారవర్గాలు తెలిపాయి. కొవిషీల్డ్ రెండో డోసును.. తొలి డోసు తీసుకున్న 8 వారాల నుంచే అందిస్తే యాంటీబాడీల స్పందనలో మార్పు లేదని పలు అధ్యయనాల్లో వెల్లడయ్యాయని పేర్కొన్నాయి. మరోవైపు కొవాగ్జిన్ (Covaxin) టీకా వ్యవధిపై ఎన్టీఏజీఐ ఎలాంటి వ్యాఖ్యలూ చేయలేదు. మొదటి, రెండో డోసు మధ్య ప్రస్తుతం 28 రోజుల విరామం ఉంది.

మరోవైపు.. మూడో డోసుగా కొవిషీల్డ్ ను​తీసుకుంటే ఒమిక్రాన్​వేరియంట్​ను ఎదుర్కోవచ్చని ఓ పరిశోధనలో తేలింది. కొవిషీల్డ్​ లేదా ఇతర ఎంఆర్​ఎన్​ఏ వ్యాక్సిన్లు తీసుకున్నవారిపై ఆస్ట్రాజెనెకా సంస్థ ఈ పరిశోధనలు జరిపింది. కొవిషీల్డ్​ వ్యాక్సిన్​ మూడో డోసు తర్వాత శరీరంలో బీటా, ఆల్ఫా, డెల్డా, గామా వేరియంట్లను కూడా ఎదుర్కొనే స్థాయికి రోగనిరోధక శక్తి చేరుకుంటుందని తెలిసింది. ఈ క్రమంలో జరిపిన పరిశోధనలు సత్ఫలితాలు ఇస్తున్నాయని.. ఒమిక్రాన్​ను మరింత దీటుగా ఎదుర్కొనేలా వ్యాక్సిన్​ను తయారు చేసి త్వరలోనే అందుబాటులోకి తెస్తామని ఆశాభావం వ్యక్తం చేశారు.

Also Read

Viral: ఒకే వ్యక్తికి 500 పాముకాట్లు.. జనసముహంలోనూ అతడిపైనే ఎటాక్

Redmi Max 4K TV: రెడ్‌మీ నుంచి ప్రీమియమ్‌ స్మార్ట్ టీవీ.. ధర రూ. రెండున్నర లక్షలు.. ఫీచర్లు అదుర్స్‌..

Uddhav Thackeray: ఎంఐఎం బీజేపీకి బీ టీమ్.. మహావికాస్ కూటమిలో చేర్చుకునే ప్రసక్తే లేదుః ఉద్ధవ్ ఠాక్రే