ఆత్మ నిర్భర్ పథకానికి రూ. 1548 కోట్లు, కేంద్ర కేబినెట్ నిర్ణయం, 58 లక్షలమంది ఉద్యోగులకు ప్రయోజనం

ప్రధాని మోదీ అధ్యక్షతన బుధవారం సమావేశమైన కేంద్ర కేబినెట్ పలు కీలక నిర్ణయాలు తీసుకుంది. ముఖ్యంగా దేశీయ స్వావలంబనకు ఉద్దేశించిన ఆత్మ నిర్భర్ పథకం..

  • Umakanth Rao
  • Publish Date - 5:15 pm, Wed, 9 December 20
ఆత్మ నిర్భర్ పథకానికి రూ. 1548 కోట్లు, కేంద్ర కేబినెట్ నిర్ణయం, 58 లక్షలమంది ఉద్యోగులకు ప్రయోజనం

ప్రధాని మోదీ అధ్యక్షతన బుధవారం సమావేశమైన కేంద్ర కేబినెట్ పలు కీలక నిర్ణయాలు తీసుకుంది. ముఖ్యంగా దేశీయ స్వావలంబనకు ఉద్దేశించిన ఆత్మ నిర్భర్ పథకం..భారత్ రోజ్ గార్ యోజన కింద ప్రస్తుత ఆర్థిక సంవత్సరానికి రూ. 1548 కోట్లను కేటాయించాలని నిర్ణయించారు. ఆ తరువాత మొత్తం పథకం కాలానికి రూ. 22,810 కోట్లు..అంటే 2020-2023 ఏళ్ళ మధ్య సుమారు 58.5 లక్షల మంది ఉద్యోగులకు దీనివల్ల ప్రయోజనం కలుగుతుందని అంచనా వేశారు. దేశంలో పబ్లిక్ డేటా సెంటర్లను ప్రారంభించాలని నిర్ణయించారు. వీటికి లైసెన్స్ ఫీజు గానీ, రిజిస్ట్రేషన్ ఫీజుగానీ అవసరం లేదని తీర్మానించారు. అంటే ఏ విధమైన లైసెన్స్ ఫీజు వసూలు చేయకుండా పబ్లిక్ డేటా కార్యాలయాల ద్వారా పబ్లిక్ వై-ఫై సేవలను అందించడానికి సంబంధిత నెట్ వర్క్ ల ఏర్పాటుకు మంత్రివర్గం గ్రీన్ సిగ్నల్ ఇచ్చింది.  దీన్ని పబ్లిక్ వై-ఫై యాక్సెస్ నెట్ వర్క్. ఇంటర్ ఫేస్ ‘పీఎం వని’ గా వ్యవహరిస్తారు.

ఇంకా కొచ్చి-లక్షద్వీప్ మధ్య సబ్ మెరైన్ ఆప్టికల్ ఫైబర్ కేబుల్ కనెక్టివిటీ ఏర్పాటుకు కూడా కేబినెట్ ఆమోదం తెలిపింది. మంత్రివర్గం తీసుకున్న నిర్ణయాలను మంత్రులు ప్రకాష్ జవదేకర్, రవిశంకర్ ప్రసాద్ వివరించారు.

ఆత్మ నిర్భర్ యోజన పథకం లోని కీలకాంశాలు

  1. 2020 అక్టోబరు 1 కి ముందు, లేదా ఆ తరువాత 2021 జూన్ 30 వరకు నియమితులైన కొత్త  ఉద్యోగులకు రెండేళ్ల పాటు ప్రభుత్వం సబ్సిడీనిస్తుంది.
  2. వెయ్యిమంది ఉద్యోగులలోపు ఉన్న సంస్థలలో కొత్తవారికి ఈ పీ ఎఫ్ (ఎంప్లాయీస్ ప్రావిడెంట్ ఫండ్) కు సంబంధించి ప్రభుత్వం 12 శాతం ఉద్యోగుల కాంట్రిబ్యూషన్ ని, సంస్థ యాజమాన్యం నుంచి ఇంతే కాంట్రిబ్యూషన్ ని చెల్లిస్తుంది.
  3.  వెయ్యి మందికి పైగా ఉద్యోగులున్న సంస్థల్లో రెండేళ్ల పాటు  కొత్తవారికి సర్కార్…. వారి ఈ పీ ఎఫ్ కాంట్రిబ్యూషన్ లో 12 శాతం మాత్రమే చెల్లిస్తుంది.
  4.  నెలకు 15 వేల రూపాయల లోపు వేతనం పొందుతున్నవారిలో..ఈపీఎఫ్ఓ కింద రిజిస్టర్ అయిన సంస్థలో ఈ ఏడాది అక్టోబరు 1 కి ముందు ఉద్యోగం చేస్తూ యూనివర్సల్ అకౌంట్ నెంబరు గానీ, ఈ పీ ఎఫ్ మెంబర్ అకౌంట్ గానీ లేకుండా ఉంటే వారికీ ఈ ప్రయోజనం కలుగుతుంది.