కిట్ల కొనుగోలులో స్కాం.. బీజేపీ ఫిర్యాదు

ఏపీ ప్రభుత్వం దక్షిణ కొరియా రాపిడ్ టెస్ట్ కిట్ల కొనుగోళ్లలో అవకతవకలకు పాల్పడిందని గవర్నర్‌కు ఫిర్యాదు చేసింది ఏపీ బీజేపీ. ప్రభుత్వ పెద్దలు ఉద్దేశపూర్వకంగా అవినీతికి పాల్పడ్డారని, ఈ విషయంలో తగిన విచారణ జరిపి చర్యలు తీసుకోవాలని బీజేపీ నేతలు గవర్నర్‌ను కోరారు.

కరోనా పేరుతో రాపిడ్ కొనుగోలులో రాష్ట్ర ఖజానాకు ఆర్థిక నష్టాన్ని కలిగించే విధంగా ఎపి ప్రభుత్వం వ్యవహరించిందని బిజెపి నేతలు ఆరోపిస్తున్నారు. ఈ ఆరోపణతోనే ఏపీ బీజేపీ నేతలు గవర్నర్‌ బిశ్వభూషణ్ హరిచందన్‌కు ఫిర్యాదు చేశారు. కరోనా వైరస్‌ను నియంత్రించేందుకు అవసరమైన పరీక్షా వస్తు సామగ్రి, పిపిఇఎస్, వెంటిలేటర్లు సేకరించాలని కేంద్రం రాష్ట్ర ప్రభుత్వాలను కోరినా.. దాన్ని కొన్ని రాష్ట్రాలు దుర్వినియోగం చేస్తున్నారని బీజేపీ నేతలు వాదిస్తున్నారు.

” దక్షిణ కొరియాకు చెందిన ఎస్డి బయో సెన్సర్ నుంచి రాపిడ్ టెస్ట్ కిట్లు కొనుగోలు చేయవచ్చని ఐ.సి.ఎం.ఆర్. సంస్థ రాష్ట్ర ప్రభుత్వాలకు అనుమతి ఇచ్చింది.. అయితే ఎపి ప్రభుత్వం పారదర్శక విధానాన్ని విస్మరించి తక్షణ సేకరణ అనే సాకుతో కొంత ఆర్థిక ప్రయోజనం పొందటానికి మధ్యవర్తి ద్వారా కిట్లను కొనుగోలు చేసింది..” అని బీజేపీ నేతలు గవర్నర్‌కు ఇచ్చిన ఫిర్యాదులో పేర్కొన్నారు.

” జీఎస్టీని మినహాయించి రూ. 14,60,00,000 (రూపాయలు పద్నాలుగు కోట్లు అరవై లక్షలు) కాంట్రాక్ట్ విలువకు రెండు లక్షల కిట్ల కొనుగోలు కోసం నోడల్ ఏజెన్సీ ఏప్రిల్ 7న సాండోర్ మెడికేడ్స్ లిమిటెడ్‌కు ఆర్డర్ ఇచ్చింది. ప్రతి కిట్‌కు రూ .730 ప్లస్ జీఎస్టీ ధర నిర్ణయించగా, ఏడు రోజుల్లో ఆర్డర్‌ను అమలు చేయాల్సి ఉంది.. ఛత్తీస్‌గడ్ ప్రభుత్వ ఆరోగ్య మంత్రి టిఎస్‌సింగ్ డియో ట్విట్టర్‌లో ట్వీట్ చేసినప్పుడు ఈ అవకతవకలు వెలుగులోకి వచ్చాయి.. వారు దక్షిణ కొరియా కంపెనీ నుండి రూ.337 ప్లస్ జీఎస్టీ కొనుగోలు చేశారు.. కానీ ఎపి రాష్ట్ర ప్రభుత్వం రూరూ .730 + జీఎస్టీ ద్వారా టెస్టింగ్ కిట్లను కొనుగోలు చేసింది.. ఆంధ్రప్రదేశ్ ప్రభుత్వం అనుసరిస్తున్న మోడస్ ఆపరేషన్ అభ్యంతరకరంగా ఉండటమే కాకుండా చట్టవిరుద్ధం .. మధ్య వర్తుల ద్వారా కొనుగోలు ఒప్పందం చేయడం‌ వల్ల కోట్ల రూపాయల అవినీతి జరిగింది.. సందుర్ మెడికల్ ప్రైవేట్ లిమిటెడ్ కంపెనీకి డైరెక్టర్ గా విశ్వనాధ వెంకట సుబ్రమణ్యం ఆంజనేయ సి డైరెక్టర్ గా ఉన్నారు.. ఈయన ఎపి ఆర్థిక మంత్రి రాజేంద్రనాథ్ రెడ్డి తమ్ముడు హరిహరనాధ్ రెడ్డి కి చెందిన మరో కంపెనీలో డైరెక్టర్ గా ఉన్నారు.. ఉద్దేశపూర్వకంగా ఈ సంస్థ కు కొనుగోలు ఆర్డర్ ఇవ్వబడింది.. ఇది రాష్ట్ర ప్రభుత్వం చూపిన అభిమానవాదం, స్వపక్షరాజ్యాన్ని స్పష్టంగా అర్ధం అవుతుంది..” అని బీజేపీ నేతలు ఆరోపిస్తున్నారు

కిట్ల కొనుగోళ్లలో మధ్యవర్తిని తీసుకురావడం ద్వారా ఆర్థిక ప్రయోజనాన్ని పొందాలని రాష్ట్ర ప్రభుత్వ పెద్దలు ప్రయత్నించారని బిజెపి నేతలు ఆరోపిస్తున్నారు. ప్రజల ఆరోగ్యాన్ని కాపాడటంలో దాని ప్రాముఖ్యత దృష్ట్యా మొత్తం లావాదేవీలను పరిశీలించమని బిజెపి రాష్ట్ర అధ్యక్షుడు కన్నా లక్ష్మీనారాయణ గవర్నర్‌ను కోరారు.