ఏపీ రాజధానిలో ఇన్‌సైడ్ ట్రేడింగ్..నేతల పేర్లు చెప్పిన పేర్ని నాని..!
అమరావతిపై టీడీపీ, వైసీపీ మధ్య కొంతకాలంగా సాగుతున్న యుద్ధం కీలకదశకు చేరుకుంది. ఏపీ అసెంబ్లీ సమావేశాలకు కొన్నిరోజుల ముందు- రాజధానిపై రెండు పార్టీలు పోటాపోటీ రౌండ్‌టేబుల్‌ సమావేశాలు నిర్వహించాయి. టీడీపీ ఆధ్వర్యంలో నిర్వహించిన ప్రజా రాజధాని-మన అమరావతి రౌండ్‌టేబుల్‌కి 8 పార్టీలు, 19 సంస్థలకు చెందిన ప్రతినిధులు హాజరయ్యారు. రాజధానిపై ప్రభుత్వం వెంటనే అఖిలపక్ష సమావేశం ఏర్పాటు చేయాలని టీడీపీ రౌండ్‌టేబుల్‌ డిమాండ్‌ చేసింది. రాజధాని మాస్టర్‌ప్లాన్‌లో ఎలాంటి మార్పులు చేయొద్దని తీర్మానించారు. రాజధాని పనులు ఆగిపోవడంపై […]
అమరావతిపై టీడీపీ, వైసీపీ మధ్య కొంతకాలంగా సాగుతున్న యుద్ధం కీలకదశకు చేరుకుంది. ఏపీ అసెంబ్లీ సమావేశాలకు కొన్నిరోజుల ముందు- రాజధానిపై రెండు పార్టీలు పోటాపోటీ రౌండ్‌టేబుల్‌ సమావేశాలు నిర్వహించాయి. టీడీపీ ఆధ్వర్యంలో నిర్వహించిన ప్రజా రాజధాని-మన అమరావతి రౌండ్‌టేబుల్‌కి 8 పార్టీలు, 19 సంస్థలకు చెందిన ప్రతినిధులు హాజరయ్యారు.
రాజధానిపై ప్రభుత్వం వెంటనే అఖిలపక్ష సమావేశం ఏర్పాటు చేయాలని టీడీపీ రౌండ్‌టేబుల్‌ డిమాండ్‌ చేసింది. రాజధాని మాస్టర్‌ప్లాన్‌లో ఎలాంటి మార్పులు చేయొద్దని తీర్మానించారు. రాజధాని పనులు ఆగిపోవడంపై ఈ సమావేశం ఆందోళన వ్యక్తం చేసింది. వైసీపీ ఆధ్వర్యంలో నిర్వహించిన- రాజధానిలో చంద్రబాబు ప్రభుత్వ కుంభకోణమే అసలు కోణం అనే రౌండ్‌టేబుల్‌కి బీజేపీ, సీపీఐతోపాటు రైతుసంఘాలు హాజరయ్యాయి. తమకు అన్యాయం జరిగిందని దళిత రైతులు ఆరోపించారు. అమరావతిని తన స్వార్థానికి కట్టలేదన్న చంద్రబాబు, ప్రజలు తప్పు అని అంటే తాను 5 కోట్ల మంది ఆంధ్రులకు క్షమాపణ చెబుతానని చంద్రబాబు ఇవాళ్టి సమావేశంలో రెండుసార్లు చెప్పడం విశేషం.
రాజధాని నిర్మాణాన్ని శఠగోపం సినిమా అని ఏపీ మంత్రి బుగ్గన రాజేంద్రనాథ్‌రెడ్డి ఆరోపించారు. రాజధాని పేరుతో జరిగిన ఇన్‌సైడర్‌ ట్రేడింగ్‌పై ఎంక్వైరీలో అన్ని విషయాలు బయటకు వస్తాయన్నారు. సీఆర్‌డీఏ ప్రాంతం అనేది 7000 నుంచి 8300కి పెంచారని, 174 చదరపు కిలోమీటర్లలో టీడీపీకి కావల్సిన వాళ్లు భూములు ఉన్నాయని పేర్కొన్నారు. ఈ మొత్తం వ్యాపారం చేసుకోవడానికి, ఇది మంచి ప్రాజెక్టు అని చెప్పుకోవడానికి సింగపూర్‌ కంపెనీలను వాడుకున్నారని బుగ్గన ఆరోపించారు. ఈ క్రమంలో పలువురు టీడీపీ నేతలపై వైసీపీ నేతలు తీవ్ర ఆరోపణలు చేశారు. తమ బీనాబీలతో చాలామంది నేతలు అక్కడ రాజధాని ప్రకటన కంటే ముందే ఈ భూములు కొన్నారంటూ పేర్కొన్నారు. ఈ విషయంపై టీవీ9 బిగ్ న్యూస్ బిగ్ డిబేట్ వేదికగా చర్చ జరిగింది.
ఈ డిస్కషన్‌లో పాల్గొన్న ఏపీ మంత్రి పేర్ని నాని..అక్కడ భూములు కొన్న కొందరి నేతల పేర్లను ప్రస్తావించారు. మాజీ మంత్రి నారాయణ, ప్రత్తిపాటి పుల్లారావు, కొమ్మాలపాటి శ్రీధర్, మురళి మోహన్ లాంటి చాలామంది నాయకులు బినాబీలలో రాజధాని ప్రాంతంలో భూములు కొనుగోలు చేయించారని ఆరోపించారు. జూన్ 2014 నుంచి డిసెంబర్ 2014 మధ్యన రాజధాని ప్రకటనకు ముందే ఈ కొనుగోళ్లు జరగడంలో ఆంతర్యమేంటని ప్రశ్నించారు. ఈ ఇష్యూకి సంబంధించి పూర్తి అప్డేట్స్ దిగువ వీడియోలో..
