Mamata meets Governor : గవర్నర్తో బెంగాల్ సీఎం దీదీ సమావేశం.. ఈ ఇద్దరి భేటీపై రాజకీయ వర్గాల్లో చర్చ
బెంగాల్ రాజకీయాలు హాట్ హాట్‌గా సాగుతున్నాయి. గవర్నర్ జగ్‌దీప్ ధన్‌కర్‌ను ఆ రాష్ట్ర ముఖ్యమంత్రి మమతా బెనర్జీ బుధవారం సాయంత్రం రాజ్‌భవన్‌లో కలుసుకున్నారు. మమతా బెనర్జీ సెక్రటేరియట్ నుంచి నేరుగా...
Mamata meets Governor : బెంగాల్ రాజకీయాలు హాట్ హాట్‌గా సాగుతున్నాయి. తాజాగా బెంగాల్ గవర్నర్తో ఆ రాష్ట్ర ముఖ్యమంత్రి మమతా మెనర్జీ సమావేశం కావడంపై పెద్ద చర్చ జరుగుతోంది. గవర్నర్ జగ్‌దీప్ ధన్‌కర్‌ను ఆ రాష్ట్ర ముఖ్యమంత్రి మమతా బెనర్జీ బుధవారం సాయంత్రం రాజ్‌భవన్‌లో కలుసుకున్నారు. మమతా బెనర్జీ సెక్రటేరియట్ నుంచి నేరుగా రాజ్‌భవన్‌కు వెళ్లి గవర్నర్తో ప్రత్యేకంగా సమావేశం అయ్యారు. సుమారు గంటసేపు పలు అంశాలపై చర్చలు జరిపినట్లుగా తెలుస్తోంది. అయితే గవర్నర్‌ను మర్యాదపూర్వకంగానే మమతా బెనర్జీ కలుసుకున్నారని సెక్రటేరియట్‌కు చెందిన ఉన్నతాధికారులు తెలిపారు. కేవలం గవర్నర్‌కు కొత్త సంవత్సరం శుభకాంక్షలు చెప్పాలనుకున్నారని వెల్లడించారు.
నిన్నటి వరకు గవర్నర్ జగ్‌దీప్ ధన్‌కర్‌పై నిప్పులు చెరిగిన ఆ రాష్ట్ర సీఎం దీదీ ఈ రోజు గంటసేపు సమావేశం కావడంపై రాజకీయ వర్గాల్లో చర్చ జరుగుతోంది. ఆ రాష్ట్రంలో శాంతి భద్రతల పరిస్థితులపైన, రాష్ట్రంలో స్వేచ్ఛగా ఎన్నికలు జరిగే అవకాశాలపైన పలుమార్లు గవర్నర్ సందేహాలు వ్యక్తం చేశారు. గవర్నర్ చేసిన సంచలన వ్యాఖ్యలపై తృణమూల్ కాంగ్రెస్ ఆందోళన వ్యక్తం చేసింది. ఈ నేపథ్యంలో గవర్నర్‌ను మమతా బెనర్జీ కలుసుకోవడం ప్రాధాన్యం సంతరించుకుంది.
Kolkata: West Bengal Chief Minister Mamata Banerjee met Governor Jagdeep Dhankhar at Raj Bhavan today. pic.twitter.com/J4wHFYaCMm
— ANI (@ANI) January 6, 2021
ఇవి కూడా చదవండి :
పింక్ టెస్ట్ మ్యాచ్‌కు మద్దతుగా నిలిచిన లిటిల్‌ మాస్టర్‌.. భారత టెస్టు జెర్సీని మెక్‌గ్రాత్‌కు అందించిన సచిన్ Balakrishna Comments : నోరు అదుపులో పెట్టుకో.. మా సహనాన్ని పరీక్షించోద్దు.. కొడాలికి బాలయ్య వార్నింగ్ Buy Gold Jewellery : బంగారం కొనేందుకు వెళ్తున్నారా..? అయితే ఈ డాక్యుమెంట్స్ మరిచిపోవద్దు…
