చైనాకు షాకిచ్చిన యాపిల్.. 29 వేల యాప్స్ బ్యాన్.!

చైనాకు షాకిచ్చిన యాపిల్.. 29 వేల యాప్స్ బ్యాన్.!

చైనా యాప్స్‌పై నిషేధం కొనసాగుతూనే ఉంది. తాజాగా టెక్నాలజీ దిగ్గజం యాపిల్ సంస్థ కీలక నిర్ణయం తీసుకుంది. తన యాప్ స్టోర్‌ నుంచి ఏకంగా 29,800 చైనీస్ యాప్స్‌ను తొలగించింది.

Ravi Kiran

|

Aug 02, 2020 | 1:18 PM

Apple removes 29800 china apps: చైనా యాప్స్‌పై నిషేధం కొనసాగుతూనే ఉంది. తాజాగా టెక్నాలజీ దిగ్గజం యాపిల్ సంస్థ కీలక నిర్ణయం తీసుకుంది. తన యాప్ స్టోర్‌ నుంచి ఏకంగా 29,800 చైనీస్ యాప్స్‌ను తొలగించింది. వీటిల్లో 26 వేలకు పైగా యాప్స్ గేమ్స్‌కు చెందినవి కావడం విశేషం. గతేడాది యాపిల్ సంస్థ గేమింగ్ యాప్స్‌ రూపొందించే సంస్థలకు ప్రభుత్వం జారీ చేసిన లైసెన్సులు సమర్పించాలని కోరింది.

దీనికి సంబంధించిన డెడ్ లైన్ జూన్‌తో ముగిసింది. అప్పటికీ కూడా వారి నుంచి ఎలాంటి సమాధానం రాకపోవడంతో ఈ యాప్స్ అన్నింటిని యాపిల్ తన ప్లే స్టోర్ నుంచి తొలిగించింది. ఇక గత నెల మొదటి వారంలో సుమారు 2500లకు పైగా యాప్స్‌ను ఆపిల్ సంస్థ తొలిగించింది. కాగా, భారత ప్రభుత్వం 59 చైనా యాప్స్‌పై బ్యాన్ విధించిన సంగతి విదితమే. త్వరలోనే మరికొన్ని యాప్‌లను నిషేదించే దిశగా అడుగులు వేస్తున్నట్లు తెలుస్తోంది. అటు అమెరికా కూడా టిక్ టాక్‌తో పలు చైనా యాప్‌లను బ్యాన్ చేయడానికి సిద్ధమైంది.

Also Read: కొత్త లక్షణం: కరోనా సోకినవారిలో వినికిడి లోపం.!

Follow us on

Most Read Stories

Click on your DTH Provider to Add TV9 Telugu