అద్భుతాన్ని ఆవిష్కరించిన అమెజాన్.. సెల్ఫ్ డ్రైవింగ్ విద్యుత్ రోబో ట్యాక్సీ రూపకల్పన. గంటకు 120 కి.మీ వేగం దీని సొంతం.

Amazon’s Zoox Unveils Electric ‘Robo-Taxi: ఈ-కామర్స్ నుంచి మొదలు పెడితే ఎంటర్‌టైన్‌మెంట్ వరకు ఇలా అన్ని రంగాల్లో తనదైన ముద్ర వేస్తూ వస్తోన్న ప్రముఖ కంపెనీ అమెజాన్ తాజాగా మరో అద్భుతాన్ని ఆవిష్కరించింది. పూర్తిస్థాయి సెల్ఫ్ డ్రైవింగ్ (డ్రైవర్ లేకుండా నడిచే) రోబో ట్యాక్సీని రూపొందించింది. ఈ ట్యాక్సీ విద్యుత్ సహాయంతో నడవడం విశేషం. అమెజాన్ ఇటీవలే ఈ ప్రాజెక్టును అమెరికా జెయింట్ సంస్థ నుంచి కొనుగోలు చేసి జూక్స్ ప్రాజెక్టు‌గా నామకరణం చేసింది.

ఈ ప్రోటోటైప్ రోబోటిక్ ట్యాక్సీ కారులో నలుగురు ఎలాంటి ఇబ్బంది లేకుండా ప్రయాణం చేయవచ్చు. అత్యంత సాంకేతికతో రూపొందించిన ఈ ట్యాక్సీలో ప్రతీది అద్భుతమే. డ్రైవర్ లేకుండా నడిచే ఈ రోబోటిక్ ట్యాక్సీ ఏకంగా 120 కిలోమీటర్ల దూసుకెళ్లగలదు. ఆర్టిఫిషియల్ ఇంటెలిజెన్స్, ట్రాఫిక్ మేనేజ్‌మెంట్ వ్యవస్థతో తయారైన ఈ ట్యాక్సీ రోడ్డుపై ప్రయాణించేప్పుడు.. ఏవైనా ఆటంకాలు ఉంటే ముందుగానే గుర్తుపట్టగలదు. 133 కిలోవాట్ల బ్యాటరీతో 16 గంటల ఏకధాటిగా ప్రయాణించడం దీని మరో ప్రత్యేకత. ఈ ట్యాక్సీ ప్రయాణిస్తున్న 150 మీటర్ల వైశాల్యంలో వివిధ కోణాల్లో పరిస్థితులను తెలుసుకునేలా 360 డిగ్రీల వ్యూతో పరిశీలించేందుకు లిడార్‌ టెక్నాలజీతో కూడిన పలు కెమెరాలను, రాడార్లను ఇందులో అమర్చారు. ప్రస్తుతం అమెరికాలోని శాన్‌ఫ్రాన్సిస్కో, లాస్‌వెగాస్‌లలో దీన్ని ప‌రీక్షిస్తున్నారు.