టెస్టుల్లో ధావన్‌కు చోటు దక్కడం కష్టమే…

Aakash Chopra Comments On Dhawan: వన్డేల్లో శిఖర్ ధావన్ ట్రాక్ రికార్డు అద్భుతమని చెప్పాలి. రోహిత్ శర్మతో కలిసి అనేక విజయవంతమైన భాగస్వామ్యాల్లో పాలుపంచుకున్న గబ్బర్.. భారత్ జట్టుకు పలు విజయాలు అందించడంలో కీలక పాత్ర పోషించాడు. ధావన్‌కు టెస్టుల్లో చెప్పుకోదగ్గ రికార్డులు లేవు. ప్రస్తుతం టెస్టు జట్టులో చోటు దక్కించుకోవడం కోసం ధావన్ బాగా కృషి చేస్తున్నాడు.

ఇదిలా ఉంటే ధావన్‌పై మాజీ క్రికెటర్, కామెంటేటర్ ఆకాష్ చోప్రా కీలక వ్యాఖ్యలు చేశాడు. ఇప్పట్లో ధావన్ టెస్టుల్లో ఆడటం కుదరకపోవచ్చునని అభిప్రాయపడ్డాడు. భారత జట్టుకు టెస్టుల్లో రోహిత్ శర్మ, మయాంక్ అగర్వాల్, పృథ్వి షా, కేఎల్ రాహుల్ అనే అప్షన్లు ఉన్నాయని.. కాబట్టి ధావన్‌కు టెస్టుల్లో చోటు దక్కడం కష్టమేనని చెప్పుకొచ్చాడు. అటు వన్డేల్లో ధావన్‌కు అద్భుతమైన రికార్డు ఉన్నా.. టెస్టుల్లో మాత్రం అంత గొప్పగా లేదని ఆకాష్ చోప్రా అన్నాడు.