అసోం రాష్ట్ర ముఖ్య‌మంత్రి స‌ర్బానంద్ సోనోవాల్ ముందు 63 మంది తీవ్రవాదుల లొంగుబాటు
మూడు ద‌శాబ్దాలుగా మిలిటెంట్ల ప్రాబ‌ల్యం అధికంగా ఉండే అసోం రాష్ట్రంలో తీవ్ర వాదులు కీల‌క నిర్ణ‌యం తీసుకున్నారు. అసోం ముఖ్య‌మంత్రి స‌ర్బానంద్ సోనోవాల్ ముందు ....
మూడు ద‌శాబ్దాలుగా మిలిటెంట్ల ప్రాబ‌ల్యం అధికంగా ఉండే అసోం రాష్ట్రంలో తీవ్ర వాదులు కీల‌క నిర్ణ‌యం తీసుకున్నారు. అసోం ముఖ్య‌మంత్రి స‌ర్బానంద్ సోనోవాల్ ముందు 63 మంది తీవ్ర వాదులు లొంగిపోయారు. అసోం రాష్ట్ర అభివృద్ధి కోసం తీవ్ర‌వాదులు లేని ప్రాంతంగా తీర్చిదిద్దేందుకు తాము కృషి చేస్తున్నామ‌ని అసోం డీజీపీ మ‌హంత ట్వీట్ చేశారు. ముఖ్య‌మంత్రి స‌ర్బానంద్ సోనోవాల్ నేతృత్వంలో అసోం రాష్ట్రం తీవ్ర వాదులు లేని విధంగా మారిపోతోందని డీజీపీ అన్నారు.
8 మంది మిలిటెంట్ గ్రూపుల‌కు చెందిన 63 మంది తీవ్ర వాదులు ఒకేసారి లొంగిపోయారని అన్నారు. ఇంత మంది ఒకే సారి లొంగిపోవ‌డం రాష్ట్ర స‌మాజ అభివృద్దికి దోహ‌దం చేస్తుంద‌ని వివ‌రించారు. లొంగిపోయిన తీవ్ర వాదులు తుపాకుల‌ను సైతం సీఎం స‌ర్బానంద్ కు అప్ప‌గించారు. ఒకేసారి ఇంత మంది లొంగిపోవ‌డం అధికారుల్లో హ‌ర్షం వ్య‌క్తం అవుతోంది. తీవ్ర వాదులు తీసుకున్న నిర్ణ‌యం ఎంతో మంచిద‌ని చెప్పుకొచ్చారు.
