బుల్లితెరపై నిరాశపరిచిన మెగాస్టార్ ‘సైరా’..!
మెగాస్టార్ చిరంజీవి డ్రీమ్ ప్రాజెక్ట్గా ‘సైరా నరసింహారెడ్డి’ మూవీ విడుదలైన సంగతి తెలిసిందే. ఈ సినిమా బాక్స్ ఆఫీస్ వద్ద ఎలాంటి ఫలితాలను రాబట్టిందో అందరికీ తెలిసిందే. తెలుగులో తప్పితే మిగిలిన అన్ని భాషల్లోనూ యావరేజ్ టాక్ తెచ్చుకుంది. ఇక కలెక్షన్స్ విషయానికి వస్తే పూర్తిగా నిరాశే ఎదురైంది. ఇదిలా ఉంటే ఈ మూవీ సంక్రాంతి కానుకగా జెమిని టీవీలో ప్రసారమైంది. మెగాస్టార్ చరిష్మా.. ఆపై చారిత్రాత్మక చిత్రం కావడం వల్ల ప్రేక్షకులు టీవీలకు అతుక్కుపోతారని అందరూ […]
మెగాస్టార్ చిరంజీవి డ్రీమ్ ప్రాజెక్ట్గా ‘సైరా నరసింహారెడ్డి’ మూవీ విడుదలైన సంగతి తెలిసిందే. ఈ సినిమా బాక్స్ ఆఫీస్ వద్ద ఎలాంటి ఫలితాలను రాబట్టిందో అందరికీ తెలిసిందే. తెలుగులో తప్పితే మిగిలిన అన్ని భాషల్లోనూ యావరేజ్ టాక్ తెచ్చుకుంది. ఇక కలెక్షన్స్ విషయానికి వస్తే పూర్తిగా నిరాశే ఎదురైంది.
ఇదిలా ఉంటే ఈ మూవీ సంక్రాంతి కానుకగా జెమిని టీవీలో ప్రసారమైంది. మెగాస్టార్ చరిష్మా.. ఆపై చారిత్రాత్మక చిత్రం కావడం వల్ల ప్రేక్షకులు టీవీలకు అతుక్కుపోతారని అందరూ భావించారు. కానీ అవన్నీ రివర్స్ అయ్యాయి. ‘సైరా’ ఆశించిన స్థాయిలో టీఆర్పీ రేటింగ్స్ను రాబట్టలేకపోయింది. కేవలం 11.8 టీఆర్పీని మాత్రమే దక్కించుకుంది. కొసమెరుపు ఏంటంటే ఈ సినిమా ప్రసారమైన సమయంలోనే మాటీవీలో వరుణ్ తేజ్ నటించిన ‘గద్దలకొండ గణేష్’ టెలికాస్ట్ అయింది. ఆ చిత్రానికి మాత్రం అద్భుతమైన రేటింగ్స్ వచ్చాయి. ఈ వ్యత్యాసం ఎందుకు వచ్చిందో తెలియదు గానీ.. తక్కువ మార్కెట్ ఉన్న ఛానల్లో టెలికాస్ట్ చేయడం వల్లే ఇలా జరిగిందని మెగా ఫ్యాన్స్ ఆరోపణలు చేస్తున్నారు.